ජාත්යන්තර කාන්තා දිනය නිමිත්තෙන් කොළඹ පී.ඩී. සිරිසේන ක්රීඩාංගණයේදී අද (08) පැවැති ජාතික ජන බලවේගයේ (NPP) කාන්තා දින සැමරුම අමතමින් ජනාධිපති අනුර කුමාර දිසානායක මහතා ශ්රී ලංකේය කාන්තාවන්ගේ ආර්ථික සහ සමාජයීය ආරක්ෂාව තහවුරු කරන සුවිශේෂී වැඩපිළිවෙළක් ප්රකාශයට පත් කළේය. රජයක සාර්ථකත්වය මැනිය හැකි හොඳම නිර්ණායකය වන්නේ එම රජය කෙරෙහි කාන්තාවන් තබා ඇති විශ්වාසය බව ඔහු මෙහිදී අවධාරණය කළේය.
මෙහිදී ජනාධිපතිවරයා ප්රකාශ කළේ ක්ෂුද්ර මූල්ය ණය මගින් කාන්තාවන් සූරාකෑම වැළැක්වීම සඳහා නව නීති හඳුන්වා දෙන බවත්, ස්වයං රැකියාවල නියුතු කාන්තාවන් වෙනුවෙන් පොලී රහිත සහ සහන පොලී ණය ලබාදීමට රජය මැදිහත් වන බවත්ය. විශේෂයෙන්ම 2026 වසරේදී නව නිවාස 31,000ක් ඉදිකිරීමට සැලසුම් කර ඇති අතර, ගැහැණු දරුවන් අනාරක්ෂිතව වසන නිවාස ප්රතිසංස්කරණය කිරීමට ද රජය පියවර ගනු ඇත. මීට අමතරව මව්වරුන්ගේ ප්රධානතම භීතිකාව වී ඇති මත්ද්රව්ය උවදුර රටින් තුරන් කිරීමට රජය කැපවී සිටින බව ද ඔහු වැඩිදුරටත් පැවසීය.
