වේග පන්දු යවන ක්රීඩක නුවන් තුෂාර ශ්රී ලංකා ක්රිකට් ආයතනය සමඟ ඇති ක්රීඩක කොන්ත්රාත්තුවෙන් ඉවත් වීමට මෙතෙක් කිසිදු ඉල්ලීමක් කර නොමැති බව ක්රිකට් ආයතනයේ උසස් නිලධාරියෙකු අද (30) ප්රකාශ කළේය. ශරීර යෝග්යතා පරීක්ෂණයෙන් අසමත් වීම හේතුවෙන් ඔහු කොන්ත්රාත්තුවෙන් ඉවත් වී අයි.පී.එල්. (IPL) තරගාවලියට එක්වීමට සූදානම් වන බවට පැතිර යන වාර්තා සම්බන්ධයෙන් කළ විමසීමකදී එම නිලධාරියා මේ බව තහවුරු කළේය.
නුවන් තුෂාරගේ වත්මන් කොන්ත්රාත්තුව හෙට (31) දිනයෙන් ස්වයංක්රීයව අවසන් වීමට නියමිතය. කෙසේ වෙතත්, කොන්ත්රාත්තුව අවසන් වී මාස 3ක් යන තෙක් ශ්රී ලංකා ක්රිකට් ආයතනයෙන් නිකුත් කරන විරෝධතා නොමැති ලිපියක් (NOC) නොමැතිව කිසිදු ක්රීඩකයෙකුට විදේශීය ලීග් තරග සඳහා සහභාගී විය නොහැකි බව ද එම නිලධාරියා වැඩිදුරටත් අවධාරණය කළේය.
