ශ්රී ලංකාවේ ජූඩෝ නිලධාරීන්ගේ විවිධ ක්රියාකාරකම් හේතුවෙන් මෙරට ජූඩෝ ක්රීඩකයන්ගේ ඉදිරි ගමනට කිසිදු බාධාවක් සිදු නොවිය යුතු බව ජූඩෝ සම්මේලනයේ වත්මන් සභාපති අසංක ආරියචන්ද්ර මහතා අවධාරණය කරයි. ජූඩෝ සම්මේලනයේ හිටපු නිලධාරීන් විසින් සිදු කරන ලදැයි කියන දූෂණ සහ වංචා පිළිබඳව හෙළිදරව් කිරීම සඳහා කැඳවා තිබූ විශේෂ මාධ්ය හමුවකට එක්වෙමින් ඒ මහතා මේ බව සඳහන් කළේය.
ජූඩෝ ක්රීඩාවට සම්බන්ධ තවත් ක්රීඩා ලෝලීන් සහ ක්රියාකාරීන් පිරිසක් එක්ව සිටි මෙම හමුවේදී සභාපතිවරයා වැඩිදුරටත් කියා සිටියේ, පරිපාලනමය මට්ටමින් සිදුවන අක්රමිකතා හේතුවෙන් ක්රීඩකයන්ගේ දක්ෂතා යටපත් වීමට ඉඩ නොතබන බවයි. ක්රීඩාවේ විනිවිදභාවය සහ මූල්ය විනය ආරක්ෂා කිරීම මගින් ක්රීඩකයන්ට වඩාත් සුරක්ෂිත අනාගතයක් නිර්මාණය කර දීම වත්මන් පාලනාධිකාරියේ අරමුණ බව ද මෙහිදී ප්රකාශ විය.
