ඇමෙරිකාවේ වර්ජිනියා ප්රාන්තයේ Old Dominion විශ්වවිද්යාලයේ (ODU) ඊයේ (මාර්තු 12) සිදුවූ වෙඩි තැබීමේ සිද්ධියේ සැකකරු මොහොමඩ් ජලෝ (Mohamed Jalloh) නමැති පුද්ගලයෙකු බවට නිල නොවන මාධ්ය වාර්තා පළ වෙයි. Fox News දායකත්ව මාධ්යවේදී කැරොල් මාර්කොවිච් (Karol Markowicz) පවසන පරිදි, මොහු මීට පෙර අයිසිස් (ISIL) ත්රස්ත සංවිධානයට ආධාර කිරීම සම්බන්ධයෙන් චෝදනා ලැබූ අයෙකි.
මොහොමඩ් ජලෝ යනු ඇමෙරිකානු යුද හමුදා ජාතික ආරක්ෂක බලකායේ (Army National Guard) හිටපු සාමාජිකයෙකු වන අතර, ඔහු ත්රස්තවාදී කටයුතුවලට සම්බන්ධ වූ බවට අමෙරිකානු අධිකරණ දෙපාර්තමේන්තුවේ පැරණි වාර්තාවල ද සඳහන් වේ. කෙසේ වෙතත්, මෙම තොරතුරු විමර්ශන නිලධාරීන් විසින් මෙතෙක් නිල වශයෙන් තහවුරු කර නොමැති අතර පරීක්ෂණ අඛණ්ඩව ක්රියාත්මකය.
මෙම වෙඩි තැබීම සිදුවූයේ ඇමෙරිකාව සහ ඉරානය අතර යුදමය වාතාවරණයක් පවතින පසුබිමක වීම නිසා මෙය දේශීය ත්රස්තවාදී ක්රියාවක් දැයි ආරක්ෂක අංශවල දැඩි අවධානයට ලක්ව තිබේ. විශ්වවිද්යාල පරිශ්රයේ ආරක්ෂාව තවදුරටත් දැඩි කර ඇති අතර සිද්ධිය සම්බන්ධයෙන් වැඩිදුර තොරතුරු බලාපොරොත්තුවෙන් සිටී.
