OpenAI සමාගම සිය ChatGPT පද්ධතිය හරහා බාහිර යෙදුම් (External Apps) සෘජුවම සම්බන්ධ කර ගැනීමේ පහසුකම පුළුල් කරමින් පවතී. මේ හරහා පරිශීලකයන්ට වෙනත් වෙබ් අඩවිවලට පිවිසීමෙන් තොරව ChatGPT කවුළුව තුළ සිටම Spotify, Canva සහ DoorDash වැනි සේවාවන් ලබා ගැනීමට අවස්ථාව හිමි වේ. මෙමඟින් සරල කතාබහකට එහා ගිය ප්රායෝගික වැඩබිමක් (Work platform) ලෙස ChatGPT පරිවර්තනය වෙමින් පවතින බව විචාරකයෝ පවසති.
සංගීතය සහ නිර්මාණකරණය සම්බන්ධයෙන් ගත් කල, Spotify හරහා තමන්ට රුචි ගීත ලැයිස්තු සැකසීමටත්, Canva සහ Figma හරහා ක්ෂණිකව පෝස්ටර් හෝ ව්යාපෘති සැළසුම් (Roadmaps) නිර්මාණය කිරීමටත් දැන් හැකියාව ඇත. එදිනෙදා අවශ්යතා සඳහා DoorDash සහ Uber Eats හරහා ආහාර ඇණවුම් කිරීම සහ Target හරහා සාප්පු සවාරි ලැයිස්තු සකස් කිරීම වැනි සේවාවන් ද මීට ඇතුළත් කර තිබේ. එසේම Expedia සහ Booking.com හරහා සංචාරක හෝටල් සහ ගුවන් ගමන් පහසුවෙන් වෙන් කරවා ගත හැකිය.
2026 මාර්තු මාසයේදී හඳුන්වා දුන් Wix සේවාව හරහා හඬ විධානයන් (Voice commands) මඟින් පමණක් වෙබ් අඩවි නිර්මාණය කිරීමේ සහ SEO සැකසුම් කළමනාකරණය කිරීමේ හැකියාව ද ලබා දී ඇත. දැනට මෙම සේවාවන් ඇමෙරිකාවේ සහ කැනඩාවේ පරිශීලකයන්ට ප්රථමයෙන් විවෘත කර ඇති අතර, ඉදිරියේදී Walmart සහ PayPal වැනි තවත් ප්රබල හවුල්කරුවන් රැසක් මෙයට එක්වීමට නියමිතය. කෙසේ වෙතත්, බාහිර යෙදුම් සමඟ දත්ත හුවමාරු වන බැවින් පුද්ගලික දත්ත ආරක්ෂාව (Privacy) පිළිබඳව සැළකිලිමත් වන ලෙස ද OpenAI සමාගම පරිශීලකයන්ට මතක් කර සිටියි.
