ලොව ප්රකට ස්මාර්ට් ජංගම දුරකථන සන්නාමයක් වන OPPO සිය නවතම Reno 15 මාදිලියේ දුරකථන පෙළ පසුගියදා කොළඹ හැව්ලොක් සිටි මෝල් හි පිහිටි අබාන්ස් ප්රදර්ශනාගාරයේදී නිල වශයෙන් මෙරට වෙළෙඳපොළට හඳුන්වා දෙන ලදී. මෙම සුවිශේෂී අවස්ථාවට මෙරට ප්රමුඛ පෙළේ සමාජ මාධ්ය ක්රියාකාරීන්, තාක්ෂණික ක්ෂේත්රයේ ප්රවීණයන් සහ මාධ්යවේදීන් රැසක් එක්ව සිටියහ.
විශේෂයෙන්ම මෙරට ඩිජිටල් අන්තර්ගත නිර්මාණකරුවන් සහ පරිගණක ක්රීඩාවල නිරත වන්නන් ඉලක්ක කරගනිමින් මෙම Reno 15 මාදිලිය නිර්මාණය කර තිබේ. Dancing Aurora සංකල්පයට අනුව ආලෝකය පරාවර්තනය වන ආකර්ෂණීය නිමාවකින් සහ වර්ණ රටාවලින් මෙම දුරකථනය සමන්විතය.
මෙම දුරකථනයේ ඇති බහු-කැමරා පද්ධතිය මඟින් 120x දක්වා සූම් කිරීමේ හැකියාව පවතින අතර AI Flash Photography සහ AI Portrait Glow වැනි කෘත්රිම බුද්ධි තාක්ෂණයන් හරහා ඉතා පැහැදිලි ඡායාරූප ලබාගත හැක. එසේම Snapdragon 7 Gen 4 ප්රොසෙසරය අඩංගු කර ඇති බැවින් එකවර කාර්යයන් කිහිපයක් ඉතා වේගයෙන් සිදු කිරීමට මෙන්ම 120FPS දක්වා ඉහළ මට්ටමකින් ක්රීඩා ධාවනය කිරීමටද හැකියාව පවතී. මීට අමතරව ජලයෙන් සහ දූවිල්ලෙන් ආරක්ෂා වීම සඳහා IP69 සහතිකය හිමිව ඇති බැවින් ජලයට යටින් වුවද ඡායාරූප ගැනීමේ හැකියාව පවතින අතර දත්ත සුරක්ෂිතතාව වෙනුවෙන් චිප් මට්ටමේ සංකේතනයන්ද මෙහි අඩංගු කර තිබේ. මෙම නව හඳුන්වා දීමත් සමඟ OPPO සමාගම සඳහන් කළේ ශ්රී ලංකාව තුළ සිය ආයෝජනයන් තවදුරටත් පුළුල් කරමින් පාරිභෝගිකයින්ට ඉහළ සේවාවක් සැපයීමට බලාපොරොත්තු වන බවයි.
