එළඹෙන ඇසළ මාසය පුරා තායිලන්තයේ සුප්රසිද්ධ ථෙරවාදී බෞද්ධ විහාරස්ථානයකදී තාවකාලිකව පැවිදි වී ආගමික වතාවත්වල නිරත වීමට ශ්රී ලාංකික කාන්තා හා පිරිමි දෙපාර්ශවයටම අවස්ථාව උදා වී ඇති බව අත්තනගල්ලේ ධම්මානන්ද හිමියෝ පවසති. බැංකොක් නුවර සිට අදහස් දැක්වූ උන්වහන්සේ සඳහන් කළේ, මෙය අතිශය සාමකාමී සහ මනරම් පරිසරයක භාවනායෝගීව කාලය ගත කිරීමට ලැබෙන මහඟු අවස්ථාවක් බවයි.
මෙම වැඩසටහන ජූනි මස අග සිට ජූලි මස අග දක්වා ක්රියාත්මක වන අතර, සහභාගී වන පිරිසට දැරීමට සිදු වන්නේ සිය ගුවන් ටිකට්පත් සඳහා වැය වන මුදල පමණි. සිවුරු, නවාතැන් පහසුකම්, ආහාර පාන සහ අනෙකුත් සියලුම අවශ්යතාවන් සම්පූර්ණයෙන්ම නොමිලේ සපයනු ලබන බව උන්වහන්සේ වැඩිදුරටත් අවධාරණය කළහ. මෙය ධම්මානන්ද හිමියන් විසින් සංවිධානය කරනු ලබන 10 වැනි තාවකාලික පැවිදි කණ්ඩායම වීම ද විශේෂත්වයකි.
සීමිත පිරිසක් සඳහා පමණක් වෙන් කර ඇති මෙම අවස්ථාවට එක් වීමට කැමති අය, අත්තනගල්ලේ ධම්මානන්ද හිමියන් හෝ හෙරිටේජ් ලංකා (Heritage Lanka) ආයතනය 076 473 8222 හෝ 076 9640 823 යන WhatsApp අංක ඔස්සේ සම්බන්ධ කර ගත යුතුය. එසේම [email protected] විද්යුත් තැපෑල හරහා ද වැඩිදුර විස්තර ලබා ගත හැකි අතර, තහවුරු කරන ලද අයදුම්කරුවන් විසින් Google Form එකක් සම්පූර්ණ කිරීම අනිවාර්ය වේ.
