විශ්වාසය සහ සාමය මත පදනම් වූ සමාජයක් ගොඩනැගීම මෙන්ම ඒ සඳහා අවශ්ය ශක්තිමත් රාජ්යයක් සහ සමාජයක් නිර්මාණය කිරීම සියලු පාර්ශ්වයන් සතු පොදු වගකීමක් බව විපක්ෂ නායක සජිත් ප්රේමදාස මහතා පවසනවා. පාස්කු දින පණිවිඩයක් නිකුත් කරමින් ඔහු මේ බව සඳහන් කර තිබෙනවා.
නව බලාපොරොත්තු පෙරදැරිකර ගනිමින් මෙලෙස පාස්කු මංගල්යය සැමරුවද, මීට වසර 7 කට පෙර එල්ල වූ මිලේච්ඡ ප්රහාරයේ වේදනාකාරී මතකයන් තවමත් ජනතාවගේ හදවත් තුළ පවතින බවයි විපක්ෂ නායකවරයා පෙන්වා දෙන්නේ. එමෙන්ම, මෙම විනාශකාරී ප්රහාරයෙන් මියගිය සහ තුවාල ලැබූ ජනතාවට සාධාරණය ඉටු කිරීමට මෙන්ම සත්යය හෙළි කිරීමට පැවති මෙන්ම පවතින රජයන්ටද නොහැකි වීම රටක් ලෙස ලැබූ මහත් පරාජයක් බවත්, එය රාජ්ය පද්ධතියට අයත් අත්යවශ්ය වගකීමක් සහ වගවීමක් බවත් ඔහු වැඩිදුරටත් අවධාරණය කරනවා.
අනාගතය සුරක්ෂිත කර ගැනීම සඳහා සියලු ජාතීන් සහ ආගම් එක්සත් කරමින් නැවත එවැනි විපතක් සිදු නොවන පරිදි කටයුතු කිරීමේ වැදගත්කමද ඔහු සිය පණිවිඩය මඟින් සිහිපත් කර තිබෙනවා.
