වසර පහකට වැඩි කාලයක් ප්රමාද වී ඇති පළාත් සභා මැතිවරණය පැරණි ක්රමයට කඩිනමින් පවත්වන ලෙස රජයට යෝජනා කරන බව සමගි ජන බලවේගයේ මහ ලේකම් රංජිත් මද්දුමබණ්ඩාර මහතා පවසයි. පාර්ලිමේන්තුවට සරල බහුතරයකින් සම්මත කරගත හැකි සුළු සංශෝධනයක් හරහා මෙය ඉටු කරගත හැකි බවත්, ඒ සඳහා විපක්ෂයේ පූර්ණ සහයෝගය ලබාදෙන බවත් ඔහු අවධාරණය කළේය. පළාත් සභා අකර්මණ්ය වීම නිසා සෞඛ්ය සහ අධ්යාපන ක්ෂේත්රවල ජනතා සේවාවන් කඩා වැටී ඇති බැවින්, අයවැයෙන් වෙන් කළ ප්රතිපාදන යොදාගෙන මෙම වසරේම මැතිවරණය පැවැත්වීමට කටයුතු කරන ලෙස ඔහු රජයට සිහිපත් කර සිටියි. පළාත් සභා මැතිවරණ ක්රමය පිළිබඳ සොයා බැලීමට පත් කළ, විදේශ කටයුතු අමාත්ය විජිත හේරත් මහතාගේ සභාපතිත්වයෙන් යුත් පාර්ලිමේන්තු විශේෂ කාරක සභාවේදී මෙම යෝජනාව ඉදිරිපත් කිරීමට නියමිතය.
