2026 T20 ලෝක කුසලාන තරගාවලියේ සුපිරි 8 දෙනාගේ වටයේ පැවති තීරණාත්මක තරගයකදී ශ්රී ලංකාව පරදවා ලකුණු 5ක තියුණු ජයග්රහණයක් වාර්තා කිරීමට පාකිස්ථානය සමත් විය. මුලින්ම පන්දුවට පහරදුන් පාකිස්ථාන කණ්ඩායම නියමිත පන්දුවාර 20 අවසානයේ කඩුලු 8ක් දැවී ලකුණු 212ක දැවැන්ත ඉලක්කයක් ශ්රී ලංකාවට ලබා දුන්නේය. පිළිතුරු ඉනිම ක්රීඩා කළ ශ්රී ලංකා කණ්ඩායම වෙනුවෙන් දසුන් ශානක විශිෂ්ට අර්ධ ශතකයක් රැස් කරමින් ජයග්රහණය සඳහා දැවැන්ත සටනක නිරත වුවද, ශ්රී ලංකාවට පන්දුවාර 20 අවසානයේ කඩුලු 6ක් දැවී ලබාගත හැකි වූයේ ලකුණු 207ක් පමණි. මෙම පරාජයත් සමඟ ශ්රී ලංකා කණ්ඩායමට තරගාවලියේ ඉදිරි ගමන සඳහා දැඩි අභියෝගයකට මුහුණ දීමට සිදුව ඇත.
