ශ්රී ලංකාවේ ප්රවීණ ක්රිකට් විනිසුරු කුමාර් ධර්මසේන මහතාට එරෙහිව පාකිස්ථාන ක්රිකට් කළමනාකාරිත්වය විසින් ජාත්යන්තර ක්රිකට් කවුන්සිලයට (ICC) නිල පැමිණිල්ලක් ඉදිරිපත් කර තිබේ. මෙම පැමිණිල්ල සිදු කර ඇත්තේ පාකිස්ථානය සහ බංග්ලාදේශය අතර පැවැති තීරණාත්මක තෙවන එක්දින ක්රිකට් තරගය අතරතුර සිදු වූ බව කියන විනිසුරු තීරණයක් සම්බන්ධයෙනි.
මෙහිදී පාකිස්ථාන කණ්ඩායමේ ප්රධාන චෝදනාව වී ඇත්තේ, තෙවැනි විනිසුරු තීරණයක් (DRS) ලබා ගැනීම සඳහා බංග්ලාදේශ කණ්ඩායමට නියමිත කාලය ඉක්මවා තිබියදීත් කුමාර් ධර්මසේන මහතා ඒ සඳහා අවස්ථාව ලබා දුන් බවයි. ජාත්යන්තර ක්රිකට් නීතිවලට අනුව විනිසුරු තීරණයක් අභියෝගයට ලක් කිරීමට නියමිත කාලයක් ලබා දී ඇති අතර, එම කාලය අවසන් වූ පසු එවැනි අභියාචනයක් භාර ගැනීමට විනිසුරුවරයාට අවස්ථාවක් නොමැති බව පාකිස්ථාන පාර්ශවය පෙන්වා දෙයි.
Cricinfo වෙබ් අඩවිය වාර්තා කරන පරිදි, පාකිස්ථාන කණ්ඩායම මෙම සිදුවීම පිළිබඳව තරග තීරක නීයමූර් රෂීඩ් (Neeyamur Rashid) මහතා වෙත ලිඛිතව සිය විරෝධය පළ කර ඇත. මෙම තීරණය තරගයේ ප්රතිඵලයට යම් බලපෑමක් එල්ල කළ හැකිව තිබූ බවත්, නීතිරීතිවලට අනුකූලව විනිසුරුවරුන් කටයුතු කළ යුතු බවත් ඔවුන් වැඩිදුරටත් අවධාරණය කර තිබේ. මෙම සිදුවීම සම්බන්ධයෙන් අදාළ තරග තීරකවරයා විසින් ඉදිරිපත් කරන වාර්තාව පදනම් කර ගනිමින් ජාත්යන්තර ක්රිකට් කවුන්සිලය ඉදිරි ක්රියාමාර්ග ගැනීමට නියමිතය.
