2026 විස්සයි20 ලෝක කුසලාන තරගාවලියේ වඩාත්ම තීරණාත්මක තරගයක පළමුව පන්දුවට පහරදුන් ඉන්දීය කණ්ඩායම, නියමිත පන්දුවාර 20 අවසානයේ කඩුලු 7ක් දැවී ලකුණු 175ක් රැස් කිරීමට සමත් විය. ඒ අනුව මෙම මහා ක්රිකට් සටන ජය ගැනීම සඳහා පාකිස්තාන කණ්ඩායමට හිමිව ඇති ඉලක්කය ලකුණු 176කි. ඉන්දීය ඉනිම ශක්තිමත් කළ ඉෂාන් කිෂාන් පන්දු 40කදී වේගවත් ලකුණු 77ක් ලබාගත් අතර, පාකිස්තානය වෙනුවෙන් විශිෂ්ට පන්දු යැවීමක නිරත වූ සයිම් අයියුබ් ලකුණු 25කට කඩුලු 3ක් දවා ගත්තේය.
මෙම තරගය පාකිස්තාන කණ්ඩායමට අතිශය තීරණාත්මක වන්නේ ඔවුන් මෙම ලකුණු 176ක ඉලක්කය පසුකරමින් තරගය ජයග්රහණය කළහොත් පමණක් මෙවර ලෝක කුසලාන තරගාවලියේ ‘සුපිරි 8’ (Super 
වටයට සුදුසුකම් ලැබීමට අවස්ථාව හිමිවන බැවිනි. පිරී ඉතිරී ගිය කොළඹ ආර්. ප්රේමදාස ක්රීඩාංගණයේදී ජනාධිපති අනුර කුමාර දිසානායක මහතා ඇතුළු සම්භාවනීය අමුත්තන් රැසක් ඉදිරියේ මේ වන විට පාකිස්තාන ඉනිම ආරම්භ වී තිබේ.
වටයට සුදුසුකම් ලැබීමට අවස්ථාව හිමිවන බැවිනි. පිරී ඉතිරී ගිය කොළඹ ආර්. ප්රේමදාස ක්රීඩාංගණයේදී ජනාධිපති අනුර කුමාර දිසානායක මහතා ඇතුළු සම්භාවනීය අමුත්තන් රැසක් ඉදිරියේ මේ වන විට පාකිස්තාන ඉනිම ආරම්භ වී තිබේ.කෙසේ වෙතත්, පිළිතුරු ඉනිම ආරම්භ කළ පාකිස්තාන කණ්ඩායම මුල් පන්දුවාර කිහිපය තුළදීම දැඩි පීඩනයකට ලක්ව සිටින බව පෙනී යයි. ඉන්දීය පන්දු යවන්නන් සිය ආක්රමණශීලී පන්දු යැවීම හමුවේ පාකිස්තාන ආරම්භක පිතිකරුවන් මෙල්ල කිරීමට උත්සාහ කරමින් සිටින අතර, ලෝකවාසී ක්රිකට් ලෝලීන්ගේ අවධානය දැන් යොමුව ඇත්තේ පාකිස්තානය මෙම සටන ජයගෙන සුපිරි 8 වටයට පිවිසෙන්නේද නැතහොත් ඉන්දියාව සිය අසල්වැසි ප්රතිවාදීන් පරාජය කරන්නේද යන්න පිළිබඳවයි.
