ඇෆ්ගනිස්ථානය සහ පකිස්ථානය අතර දේශසීමා ආතතිය අතිශය දරුණු මට්ටමකට පැමිණ ඇති පසුබිමක, තම රටේ ආරක්ෂාව සම්බන්ධයෙන් පකිස්ථාන අග්රාමාත්ය ෂෙහ්බාස් ෂරීෆ් සුවිශේෂී ප්රකාශයක් සිදු කර තිබේ. පසුගිය සිකුරාදා අදහස් දක්වමින් අග්රාමාත්යවරයා අවධාරණය කළේ ඕනෑම ආකාරයක ආක්රමණශීලී අභිලාෂයක් සහමුලින්ම මැඩපැවැත්වීමේ (Crush) පූර්ණ හැකියාව සහ ශක්තිය පකිස්ථාන සන්නද්ධ හමුදාවන් සතු වන බවයි. ඇෆ්ගන් දේශසීමා ඉලක්ක කරගනිමින් පකිස්ථානය එල්ල කළ ගුවන් ප්රහාරවලින් අනතුරුව දෙරට අතර යුධමය වාතාවරණයක් නිර්මාණය වී ඇති මොහොතක අග්රාමාත්යවරයාගේ මෙම ප්රකාශය ජාත්යන්තර අවධානයට ලක්ව ඇත.
පකිස්ථාන රජයේ නිල X (ට්විටර්) ගිණුම හරහා මෙම පණිවුඩය ප්රසිද්ධ කර ඇති අතර, එහිදී ෂරීෆ් වැඩිදුරටත් සඳහන් කර ඇත්තේ රටේ ස්වෛරීභාවය ආරක්ෂා කිරීමේ සටනේදී මුළු මහත් පකිස්ථාන ජාතියම සිය සන්නද්ධ හමුදාවන් සමඟ කරට කර සිටගෙන සිටින බවයි. තලෙයිබාන් පාලනය යටතේ පවතින ඇෆ්ගනිස්ථානය සමඟ පවතින මෙම දේශසීමා ගැටුම කලාපීය ස්ථාවරත්වයට දැඩි තර්ජනයක් එල්ල කර ඇති අතර, පකිස්ථාන අග්රාමාත්යවරයාගේ මෙම දැඩි ස්ථාවරය හමුවේ කලාපීය දේශපාලන බලවතුන් දැඩි විමසිල්ලෙන් පසුවේ.
