නව කොවිඩ්-19 ප්‍රභේදයකින් ගෝලීය වශයෙන් එල්ල වන තර්ජනය හමුවේ උපරිම අවධානය යොමු කරමින්, සෞඛ්‍ය අමාත්‍යාංශය විසින් තෝරාගත් රෝහල් රැසක PCR පරීක්ෂණ පහසුකම් තවදුරටත් වැඩිදියුණු කර තිබෙනවා.
සෞඛ්‍ය අමාත්‍යාංශයේ පැවති විශේෂ ප්‍රවෘත්ති සම්මන්ත්‍රණයකට වෛද්‍ය ජාසිංහ මහතා සහභාගී වු අවස්ථාවක දී මේ බව ඔහු අනාවරණය කර සිටියා.
PCR පරීක්ෂණ සිදුකිරීමේ ධාරිතාව සහිත රෝහල්, කොවිඩ්-19 ආසාදිතයන් හඳුනා ගැනීම සඳහා උපරිම සූදානමකින් යුතුව පවතින බවයි සෞඛ්‍ය අමාත්‍යාංශයේ ලේකම් වෛද්‍ය අනිල් ජාසිංහ මහතා පවසන්නේ,
එසේම, උණ රෝගය සම්බන්ධයෙන් ප්‍රතිකාර ලබන හෝ රෝහල්ගත වන රෝගීන් පිළිබඳ වඩාත් තීව්‍ර නිරීක්ෂණයකට ලක් කිරීමට රෝහල්වලට උපදෙස් ලබා දී ඇති බව ලේකම්වරයා සඳහන් කළේය.
ශ්‍රී ලංකාව තුළ පවතින තත්ත්වය පිළිබඳ සමීප හා අඛණ්ඩ අධීක්ෂණයක යෙදී සිටින බවත්, වත්මන් තත්ත්වය යටතේ දැඩි සීමාකිරීම් පැනවීමේ අවශ්‍යතාවක් මතුව නොමැති බවත් වෛද්‍ය ජාසිංහ මහතා අවධාරණය කළේය.
