පේරු රාජ්යයේ පැවැති ජනාධිපතිවරණයේ අවසන් ප්රතිඵල දැන ගැනීම සඳහා අවම වශයෙන් තවත් දිනක් බලා සිටීමට එරට වැසියන්ට සිදුව තිබේ. ඊයේ (අප්රේල් 12) පැවැති ඡන්ද විමසීමේදී ඇති වූ තාක්ෂණික සහ සැපයුම් දාම ගැටලු හේතුවෙන් දහස් සංඛ්යාත පිරිසකට සිය ඡන්දය ප්රකාශ කිරීමට නොහැකි වීම මෙයට හේතුව වී ඇත.
ඡන්දය ප්රකාශ කිරීමට නොහැකි වූ පේරු අගනුවර වන ලිමා (Lima) හි පදිංචිකරුවන් 52,000කට වැඩි පිරිසකට අද (අප්රේල් 13) දිනයේදී ඡන්දය ප්රකාශ කිරීමට මැතිවරණ බලධාරීන් අවසර ලබා දී තිබේ. මෙම දිගු කිරීම ඇමරිකා එක්සත් ජනපදයේ ඕර්ලන්ඩෝ, ෆ්ලොරිඩා සහ පැටර්සන් යන නගරවල ලියාපදිංචි වී සිටින පේරු ජාතිකයින් සඳහා ද බලපැවැත්වේ. ඊයේ සවස් කාලයේ ඡන්ද ගණන් කිරීම ආරම්භ කිරීමෙන් පසුව මෙම විශේෂ තීරණය දැනුම් දෙන ලදී.
පේරු රාජ්යය තුළ වර්ධනය වෙමින් පවතින දූෂණය සහ ප්රචණ්ඩකාරී අපරාධ හමුවේ පැවැත්වෙන මෙම මැතිවරණය එරට ජනතාවට තීරණාත්මක එකකි. කෙසේ වෙතත්, මැතිවරණ ක්රියාවලියේ ඇති වූ මෙම බාධාවන් හේතුවෙන් අවසන් ප්රතිඵලය ප්රකාශ කිරීම සඳුදා (අද) දක්වා පමා වී ඇති අතර, ඡන්ද අපේක්ෂකයින් කෙරෙහි ජනතාව තුළ පවතින අප්රසාදය මෙම සිදුවීම් හරහා තවදුරටත් වර්ධනය වී ඇති බව වාර්තා වේ.
