දැනට පවතින ඉන්ධන අර්බුදය හමුවේ සිය සේවාවන් අඛණ්ඩව පවත්වාගෙන යාම සඳහා ක්රියාශීලී රියදුරන්ට සහ බෙදාහැරීමේ හවුල්කරුවන්ට වැඩි ඉන්ධන කෝටාවක් ලබාදෙන ලෙස PickMe සහ Uber යන ආයතන ඒකාබද්ධව රජයෙන් ඉල්ලා සිටියි. මාර්තු 21 වනදා රජය විසින් පොදු ඉන්ධන කෝටාව ඉහළ දැමීමට ගත් තීරණය අගය කරන අතරම, ජංගම යෙදුම් (Apps) හරහා පූර්ණකාලීනව සේවය කරන රියදුරන්ට එම ප්රමාණය ප්රමාණවත් නොවන බව එම ආයතන පෙන්වා දෙයි.
ශ්රී ලංකාව පුරා සතියකට ගමන්වාර සහ බෙදාහැරීම් මිලියන ගණනක් සිදුකරන මෙම සේවාවන්, ජනතාවගේ ප්රවාහන, ආහාර සහ අත්යවශ්ය ද්රව්ය සපුරාලීමේදී තීරණාත්මක කාර්යභාරයක් ඉටුකරයි. විශේෂයෙන්ම පුද්ගලික වාහන භාවිතය අවම කරමින් ඉන්ධන කාර්යක්ෂමව භාවිත කිරීමටත්, සංචාරක කර්මාන්තයට සහාය වීමටත් මෙම සේවාවන් දායක වේ. රියදුරන්ගේ සහ භාණ්ඩ බෙදාහරින්නන්ගේ ජීවනෝපාය සුරක්ෂිත කිරීම වෙනුවෙන් ඔවුන්ගේ සක්රීය දායකත්වය මත පදනම් වූ විශේෂිත ඉන්ධන කෝටාවක් හඳුන්වා දෙන ලෙස මෙම ආයතන දෙක රජයෙන් වැඩිදුරටත් ඉල්ලා සිටියි.
