ශ්රී ලංකාව සහ තායිලන්තය අතර එළඹුණු සුවිශේෂී කම්කරු සහයෝගිතා රාමුවක් යටතේ ශ්රී ලාංකික ශ්රමිකයන් 10,000කට තායිලන්තයේ රැකියා අවස්ථා ලබාදීමේ නියමු ව්යාපෘතියකට තායි කැබිනට් මණ්ඩලයේ අනුමැතිය හිමිව තිබේ. දෙරටේ නිලධාරීන් අතර පැවැති සාර්ථක සාකච්ඡා වට කිහිපයකින් අනතුරුව මීට අදාළ ද්විපාර්ශ්වික අවබෝධතා ගිවිසුම සහ සේවා නියුක්ති ගිවිසුම පිළිබඳ කෙටුම්පත් අවසන් කර ඇත.
බැංකොක් නුවර පිහිටි ශ්රී ලංකා තානාපති කාර්යාලයේ මැදිහත්වීමෙන් සිදුකළ මෙම වැඩපිළිවෙළ යටතේ ඉදිකිරීම්, කෘෂිකර්මාන්තය, ආහාර හා පානීය නිෂ්පාදන, අධ්යාපන ආයතන සහ පතල් කැණීම් වැනි ක්ෂේත්ර රැසක රැකියා අවස්ථා ශ්රී ලාංකිකයන්ට විවෘත වේ. මෙම ගිවිසුම්වලට අදාළ නිල අත්සන් තැබීම 2026 වසරේ පළමු කාර්තුව තුළදී අමාත්ය මට්ටමින් සිදු කිරීමට නියමිතය.
රජයේ මැදිහත්වීම මත සිදුවන මෙම විධිමත් ක්රියාවලිය හරහා ශ්රමිකයන්ගේ අයිතිවාසිකම් සහ සුබසාධනය තහවුරු කෙරෙන අතර, විදේශ ප්රේෂණ මෙරටට ගෙන්වා ගැනීම ද තවදුරටත් ශක්තිමත් වනු ඇතැයි බලධාරීහු අපේක්ෂා කරති. මෙය දෙරට අතර පවතින රාජ්ය තාන්ත්රික සබඳතාවල තීරණාත්මක සන්ධිස්ථානයක් ලෙස ද හඳුනාගෙන තිබේ.
