යුද්ධය අවසන් වී වසර ගණනාවක් ගත වුවද, ජනතාවගේ හදවත් තුළට තවමත් සාමය සම්පූර්ණයෙන්ම පැමිණ තිබේද යන්න ගැටලුවක් බව අග්රාමාත්ය ආචාර්ය හරිනි අමරසූරිය මහත්මිය පවසයි. මන්නාරම දිස්ත්රික් කාන්තා හමුව අමතමින් ඇය කියා සිටියේ, යුද්ධය ආරම්භ වූයේ සාමාන්ය ජනතාවගෙන් විමසා නොවන නමුත් එහි දරුණු ප්රතිවිපාකවලට වැඩිපුරම මුහුණ දුන්නේ කාන්තාවන් බවයි. යුද්ධය පැවති සමයේ ජනතාව බෙදා වෙන් කර රටේ බලය අල්ලාගත් පිරිස අදටත් ඉතා සැපවත් ජීවිත ගත කරන අතරතුර, එදා බෙදී වෙන් වූ සාමාන්ය ජනතාව අදටත් පීඩාවට පත්ව සිටින බව ඇය අවධාරණය කළාය.
ජාතිවාදය සහ අසමගිය ඇති කර බලය ලබා ගැනීමට උත්සාහ කරන දේශපාලන බලවේග පිළිබඳව ජනතාව අවධානයෙන් පසුවිය යුතු බවත්, වත්මන් රජය එවැනි බලවේගවලට එරෙහිව ප්රබල සටනක් ගෙන යන බවත් අගමැතිනිය මෙහිදී සඳහන් කළාය. එම බලවේගවලට ප්රජාතන්ත්රවාදය, නීතියේ ආධිපත්යය හෝ ජනතාවගේ ආර්ථිකය වැදගත් නොවන බවත්, ඔවුන්ගේ එකම අරමුණ තමන්ගේ ජීවිත පොහොසත් කර ගැනීම සඳහා කෙසේ හෝ බලය ලබා ගැනීම බවත් ඇය වැඩිදුරටත් කියා සිටියාය.
