බටහිර ආසියානු කලාපයේ පවතින යුදමය වාතාවරණය දේශපාලන වාසි සඳහා යොදාගනිමින් ඉන්දීය කොංග්රස් පක්ෂය මහජනතාව අතර අනවශ්ය බියක් (Panic) පතුරුවන බවට අග්රාමාත්ය නරේන්ද්ර මෝදි (Narendra Modi) ඊයේ (31) චෝදනා කළේය. ගුජරාටයේ තාරාඩ් (Tharad) දිස්ත්රික්කයේ පැවැති ජනහමුවක් අමතමින් ඔහු කොංග්රස් පක්ෂය “දේශපාලන ගිජුලිහිණියන්ට” (Rajneeti ke gidh) සමාන කළේය.
අමෙරිකාව, ඊශ්රායලය සහ ඉරානය අතර පවතින යුද්ධය හේතුවෙන් ලොව පුරා බලශක්ති අර්බුදයක් නිර්මාණය වී ඇති මොහොතක, කොංග්රස් පක්ෂය හිතාමතාම කටකතා පතුරුවමින් ජනතාව ඉන්ධන පිරවුම්හල් අසල පෝලිම් ගැසීමට පොළඹවන බව අග්රාමාත්යවරයා පැවසීය. රටේ සමගිය අවශ්ය මොහොතක විපක්ෂය විසින් මෙලෙස අරාජිකත්වයක් ඇති කිරීමට උත්සාහ කිරීම කණගාටුදායක බව ද ඔහු සඳහන් කළේය.
බොහෝ රටවල ඉන්ධන මිල 10% සිට 25% දක්වා ඉහළ ගොස් තිබුණද, ඉන්දියාව සිය ශක්තිමත් විදේශ ප්රතිපත්තිය හරහා එහි බලපෑම අවම කර ගැනීමට සමත් වී ඇති බව මෝදි මහතා අවධාරණය කළේය. ලෝකය අස්ථාවර වී ඇති අවස්ථාවක ඉන්දියාව ඉතා ඔරොත්තු දෙන සුළු සහ ස්ථාවර රාජ්යයක් ලෙස කටයුතු කරන බවත්, කොංග්රස් පක්ෂයේ කටකතාවලට නොරැවටෙන ලෙසත් ඔහු මහජනතාවගෙන් ඉල්ලා සිටියේය. තවද, පුනර්ජනනීය බලශක්ති ක්ෂේත්රයේ ලෝක නායකයෙකු වීමට ඉන්දියාවට ඇති හැකියාව පිළිබඳව ද ඔහු මෙහිදී විශ්වාසය පළ කළේය.
