හිටපු රාජ්ය බුද්ධි ප්රධානී, විශ්රාමික මේජර් ජෙනරාල් සුරේෂ් සලේ අද (25) පෙරවරුවේ අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගනු ලැබූ අතර ඔහුට පාස්කු බෝම්බ ප්රහාරය සමඟ සෘජු සබඳතාවක් පවතින බවට සාක්ෂි ලැබී ඇති බව පොලිසිය නිල වශයෙන් තහවුරු කළේය. බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්ත මහතා විශේෂ මාධ්ය හමුවක් පවත්වමින් කියා සිටියේ පවතින සාක්ෂි මත පදනම්ව මෙම අත්අඩංගුවට ගැනීම සිදු කළ බවයි.
මෙම අත්අඩංගුවට ගැනීම ත්රස්තවාදය වැළැක්වීමේ තාවකාලික විධිවිධාන පනත (PTA) යටතේ සිදු කර ඇති අතර ඒ අනුව සැකකරු පැය 72ක කාලයක් රඳවා තබාගෙන ප්රශ්න කිරීමට පොලිසිය කටයුතු කරයි. සුරේෂ් සලේ මහතා ප්රහාරයේ මහමොළකරු ද නැතහොත් ඔහුට පිටුපසින් තවත් අයෙකු සිටින්නේ ද යන්න තීරණය කරනු ලබන්නේ ඉදිරි විමර්ශනවලින් අනාවරණය වන තොරතුරු මත බවත්, දැනට පවතින සාක්ෂි අනුව ඔහුට යම්කිසි සම්බන්ධයක් ඇති බව තහවුරු වී ඇති බවත් පොලිසිය මෙහිදී වැඩිදුරටත් අවධාරණය කළේය.
