ශුද්ධ වූ ගොක් ඉරිදා (Palm Sunday) නිමිත්තෙන් වතිකානුවේ ශාන්ත පීතර චතුරශ්රයේ පැවැති දේව මෙහෙයට සහභාගී වෙමින්, දෙවන ලියෝ පාප් වහන්සේ අවධාරණය කළේ දෙවියන් වහන්සේ කිසිවිටෙකත් යුද්ධය සාධාරණීකරණය නොකරන බවයි. ඇමරිකානු – ඊශ්රායල සහ ඉරාන යුද්ධය දෙවන මාසයට එළඹ ඇති පසුබිමක සහ රුසියාවේ යුක්රේන ආක්රමණය දරුණු වෙමින් පවතින මොහොතක උන්වහන්සේ මෙම විශේෂ ප්රකාශය සිදු කළහ.
“සහෝදර සහෝදරියනි, අපේ දෙවියන් වහන්සේ යේසුස් වහන්සේයි. උන්වහන්සේ සාමයේ රජු වන අතර යුද්ධය ප්රතික්ෂේප කරයි. යුද්ධය සාධාරණීකරණය කිරීමට කිසිවෙකුට උන්වහන්සේව යොදාගත නොහැකියි. යුද්ධය මෙහෙයවන අයගේ යාච්ඤාවලට උන්වහන්සේ සවන් නොදෙන අතර ඒවා ප්රතික්ෂේප කරයි,” යනුවෙන් පාප් වහන්සේ දස දහස් සංඛ්යාත ජනතාවක් හමුවේ පැවසූහ.
ඇමරිකානු ආරක්ෂක ලේකම් පීට් හෙග්සෙත් (Pete Hegseth) ඇතුළු පිරිස් සිය ක්රිස්තියානි ආගමික විශ්වාසයන් යුද්ධය සඳහා යොදාගනිමින් සිටින අතර, රුසියානු ඕතඩොක්ස් පල්ලිය ද යුක්රේන ආක්රමණය “ශුද්ධ වූ යුද්ධයක්” (Holy War) ලෙස හඳුන්වා දී ඇත. මෙවැනි වාතාවරණයක පාප් වහන්සේගේ මෙම ප්රකාශය ඉතා තීරණාත්මක වන අතර, මැදපෙරදිග වෙසෙන ක්රිස්තියානි බැතිමතුන්ට සිය ආගමික වත්පිළිවෙත් පවා ඉටු කිරීමට නොහැකි වී ඇති බව උන්වහන්සේ කණගාටුවෙන් යුතුව සිහිපත් කළහ.
මේ අතර, වසර ගණනාවකට පසු ප්රථම වතාවට ජෙරුසලමේ පොලිසිය විසින් කතෝලික පල්ලියේ ඉහළ නායකත්වයට ‘Holy Sepulchre’ පල්ලියට ඇතුළු වීම වළක්වා ඇති බව ද වාර්තා වේ. යුද වාතාවරණය හේතුවෙන් මෙවර පාස්කු උත්සවය මැදපෙරදිග කලාපයේ ඉතා දැඩි ආරක්ෂක විධිවිධාන යටතේ පැවැත්වීමට නියමිතය.
