ලෝක නායකයන්ගේ අවධානය අප්රිකානු මහද්වීපය වෙත යොමු කරවීමේ අරමුණින් ලියෝ XIV පාප් වහන්සේ ලබන සඳුදා සිට දින 10ක විශේෂ සංචාරයක් ආරම්භ කිරීමට නියමිතය. මෙය 2026 වසරේ උන්වහන්සේ සිදු කරන පළමු ප්රධාන විදේශ සංචාරය වන අතර, දින 10ක් පුරා ඇල්ජීරියාව, කැමරූන්, ඇන්ගෝලාව සහ ඉක්වටෝරියල් ගිනි රාජ්යය යන රටවල් හතරේ සංචාරය කිරීමට නියමිතව ඇත.
මෙම සංචාරය ඉතා කාර්යබහුල එකක් වන අතර, කිලෝමීටර් 18,000කට අධික දුරක් ගෙවමින් නගර 11ක සංචාරය කිරීමටත්, ගුවන් ගමන් 18කට සහභාගී වීමටත් උන්වහන්සේ සැලසුම් කර තිබේ. විශේෂයෙන්ම ඇල්ජීරියාවට පැමිණෙන පළමු පාප් වහන්සේ ලෙස ලියෝ පාප් වහන්සේ ඉතිහාසයට එක් වනු ඇත. ලොව පුරා වෙසෙන කතෝලික ජනගහනයෙන් පහෙන් එකකට වඩා වැඩි පිරිසක් අප්රිකානු මහද්වීපයේ වෙසෙන බැවින්, මෙම සංචාරය ආගමික වශයෙන් මෙන්ම සමාජීය වශයෙන් ද ඉතා වැදගත් වේ.
වතිකානුවේ ජ්යෙෂ්ඨ කාදිනල් මයිකල් සර්නි (Michael Czerny) සඳහන් කළේ, ලෝකයේ අනෙකුත් රටවල් තම තමන්ගේ ගැටලුවල නිරතව සිටින මොහොතක, අප්රිකාව අමතක නොකළ යුතු බව පෙන්වා දීම පාප් වහන්සේගේ ප්රධාන අරමුණ බවයි. පවතින ඉරාන යුද වාතාවරණය ඇතුළු ගෝලීය අර්බුද හමුවේ වුවද, අප්රිකානු ජනතාවගේ අවශ්යතා කෙරෙහි ලෝක අවධානය දිනා ගැනීමට මෙම සංචාරය උපකාරී වනු ඇතැයි උන්වහන්සේ බලාපොරොත්තු වේ.
