වතිකානයේ පැවැති පාස්කු දින දේව මෙහෙයට සහභාගී වෙමින් ශුද්ධෝත්තම ලියෝ පාප්තුමා ඉරාන යුද්ධය අවසන් කිරීම සඳහා කඩිනම් පියවර ගන්නා ලෙස ඇමෙරිකානු ජනාධිපති ඩොනල්ඩ් ට්රම්ප්ගෙන් ඉල්ලා සිටියේය. ලෝක සාමය උදෙසා මෙම ගැටුමට සුදුසු ‘පිටවීමේ මාවතක්’ සොයාගැනීම අත්යවශ්ය බව උන්වහන්සේ මෙහිදී අවධාරණය කළහ.
ජනාධිපති ට්රම්ප් මෙම යුද්ධය කඩිනමින් අවසන් කිරීමට උත්සාහ ගන්නා බව තමන් දන්නා බවත්, ඒ සඳහා ඔහු නිවැරදි මාවත තෝරාගනු ඇතැයි තමන් විශ්වාස කරන බවත් පාප්තුමා වැඩිදුරටත් ප්රකාශ කළහ. වත්මන් ගෝලීය අර්බුදය හමුවේ සාමය ස්ථාපිත කිරීමේ වැදගත්කම උන්වහන්සේ සිය දේශනය පුරා අවධාරණය කර සිටියහ.
