ඇඟලුම් සේවකයින් සහ පාසල් දරුවන් ඉලක්ක කර ගනිමින් පවත්වාගෙන ගිය මහා පරිමාණ මත්පෙති ජාවාරමක් වැටලීමට දැරණියගල, නුරිය පොලිසිය සමත්ව තිබේ. එහිදී රුපියල් ලක්ෂ 30කට ආසන්න වටිනාකමකින් යුත් PREGABALIN වර්ගයේ මත්පෙති 12,120ක් සමඟ සැකකරුවන් දෙදෙනෙකු අත්අඩංගුවට ගෙන ඇත.
පොලිස් විමර්ශනවලට අනුව, එක් සැකකරුවෙකු දැරණියගල ප්රදේශයේදී අත්අඩංගුවට ගත් අතර ඔහුට මත්පෙති සැපයූ අනෙක් සැකකරු අවිස්සාවේල්ල නගරයේදී කොටු කරගෙන තිබේ. පසුව දෙහිවල ප්රදේශයේ පිහිටි එම සැකකරුගේ නිවස පරීක්ෂා කිරීමේදී විකිණීමට සූදානම් කර තිබූ තවත් මත්පෙති තොගයක් සොයාගැනීමට හැකි විය. මීට වසර දෙකකට පෙර ඖෂධ සමාගමක බෙදාහැරීමේ නිලධාරියෙකු ලෙස කටයුතු කර ඇති ප්රධාන සැකකරු, එම සබඳතා උපයෝගී කරගනිමින් මෙම මත්පෙති ලබාගෙන ඇති බව අනාවරණය වී ඇත.
දැරණියගල, නුරිය සහ මාලිබොඩ යන ප්රදේශවල ඇඟලුම් සේවකයින්ට සහ සිසුන්ට රුපියල් 250ත් 300ත් අතර මිලකට මෙම මත්පෙති අලෙවි කර ඇති බව පොලිසිය පවසයි. අත්අඩංගුවට ගත් සැකකරුවන් දෙදෙනා අද දින අවිස්සාවේල්ල මහේස්ත්රාත් අධිකරණයට ඉදිරිපත් කිරීමට නියමිත අතර නුරිය පොලිසිය වැඩිදුර විමර්ශන මෙහෙයවයි.
