ජනාධිපති අනුර කුමාර දිසානායක මහතා සහ ප්රංශ ජනාධිපති එමානුවෙල් මැක්රොන් මහතා අතර ද්විපාර්ශ්වික සාකච්ඡාවක් අද (19) පස්වරුවේ පැවැත්විණි. ඉන්දියාවේ නවදිල්ලි නුවර පැවැත්වෙන ‘AI Impact 2026’ ජාත්යන්තර සමුළුවට සහභාගී වන අතරතුර මෙම රාජ්ය නායක හමුව සිදුවිය. මෙහිදී දෙරට අතර පවතින රාජ්ය තාන්ත්රික සබඳතා තවදුරටත් ශක්තිමත් කර ගැනීම සහ නවීන තාක්ෂණික ක්ෂේත්රයේ සහයෝගීතාව පිළිබඳව නායකයන් දෙපළගේ අවධානය යොමු විය.
කෘතිම බුද්ධිය (AI) මගින් අනාගත ලෝකයට සහ ආර්ථිකයට සිදුවන බලපෑම් පිළිබඳව සාකච්ඡා කෙරෙන මෙම සමුළුව අතරතුර පැවති හමුවේදී, ශ්රී ලංකාවේ ආර්ථික පුනර්ජීවනය සඳහා ප්රංශයේ සහයෝගය ලබා ගැනීම සහ යුරෝපා සංගමය සමඟ පවතින වෙළෙඳ සබඳතා පිළිබඳව ද අදහස් හුවමාරු කරගත් බව වාර්තා වේ. ජනාධිපති අනුර කුමාර දිසානායක මහතා සිය ඉන්දීය සංචාරය අතරතුර මෙලෙස ලෝක නායකයන් කිහිපදෙනෙකු සමඟම සාකච්ඡා පැවැත්වීමට නියමිතය.
