ඊයේ (18) රජයේ නිවාඩු දිනයක් වුවද බස්නාහිර පළාතේ පෞද්ගලික බස් රථ 3,500ක් ධාවනය වූ බව බස්නාහිර පළාත් මාර්ගස්ථ මගී ප්රවාහන අධිකාරිය පවසයි. පෞද්ගලික බස් රථ සඳහා ලංගම ඩිපෝ මගින් ඉන්ධන ලබාගැනීමට පහසුකම් සලසා ඇති බැවින් ඉන්ධන ගැටලුවක් මතු නොවූ බවත්, ලංගම බස් රථ ද දිවයින පුරා සුපුරුදු පරිදි ධාවනය වූ බවත් වාර්තා වේ. මේ අතර, ඊයේ දිනයේ ප්රධාන මාර්ගයේ දුම්රිය ගමන් වාර 29ක්, මුහුදුබඩ මාර්ගයේ 33ක් සහ උතුරු දුම්රිය මාර්ගයේ ගමන් වාර 17ක් ඇතුළුව දිවයින පුරා දුම්රිය ගමන් වාර රැසක් ක්රියාත්මක කර තිබුණි.
