අම්බලන්ගොඩ, හීන්ඇල ප්රදේශයේදී විවිධ වර්ගයේ මත්ද්රව්ය රැසක් සන්තකයේ තබාගෙන සිටි පෞද්ගලික විශ්වවිද්යාල සිසුවෙකු ඊයේ (26) සවස පොලිස් අත්අඩංගුවට පත්ව තිබේ. ගාලු දිසා භාර නියෝජ්ය පොලිස්පති කාර්යාලය සඳහන් කරන පරිදි, මෙම වැටලීම සිදුකර ඇත්තේ අම්බලන්ගොඩ පොලිසියේ නිලධාරීන්ට ලැබුණු විශේෂ බුද්ධි තොරතුරකට අනුවයි.
අත්අඩංගුවට ගත් සැකකරු හීන්ඇල පාරේ පදිංචි 2026 වසරේ පෞද්ගලික විශ්වවිද්යාලයක අධ්යාපනය ලබන සිසුවෙකි. මූලික විමර්ශනවලදී අනාවරණය වී ඇත්තේ මෙම සැකකරුගේ පියා ද පොලිස් දෙපාර්තමේන්තුවේ සේවය කරන නිලධාරියෙකු බවයි. අත්අඩංගුවට ගන්නා අවස්ථාවේදී සැකකරු සන්තකයේ තිබී හෙරොයින් ග්රෑම් 11ක්, අයිස් (Ice) ග්රෑම් 06ක් සහ හෂිස් (Hashish) ග්රෑම් 35ක් පොලිසිය විසින් සොයාගෙන ඇත.
සැකකාර සිසුවා අද (27) දින අධිකරණයට ඉදිරිපත් කිරීමට නියමිත අතර, ඔහු මෙම මත්ද්රව්ය ජාවාරම් කිරීම සඳහා තබා ගත්තේ ද නැතහොත් වෙනත් පාර්ශවයකට ලබා දීමට සූදානම් වූයේ ද යන්න පිළිබඳව අම්බලන්ගොඩ පොලිසිය වැඩිදුර විමර්ශන පවත්වයි. විශ්වවිද්යාල සිසුන් ඉලක්ක කරගනිමින් ක්රියාත්මක වන මත්ද්රව්ය ජාලයන් පිළිබඳව ද මෙහිදී අවධානය යොමු වී තිබේ.
