පසුගිය කාලසීමාව තුළ බිඳ වැටීමට ලක්වූ රාජ්ය සේවයේ ගෞරවය සහ අභිමානය යළි ස්ථාපිත කිරීම සඳහා සියලුම නිලධාරීන් එක්ව කටයුතු කළ යුතු බව අමාත්ය කේ. ඩී. ලාල් කාන්ත මහතා අවධාරණය කරයි. මධ්යම පළාත් සභා සංකීර්ණයේ නිරීක්ෂණ චාරිකාවකට එක්වීමෙන් අනතුරුව නිලධාරීන් හමුවේ අදහස් දක්වමින් අමාත්යවරයා පෙන්වා දුන්නේ මෙරට පද්ධතිය අඩපණ වීමට දේශපාලන ක්ෂේත්රය මෙන්ම රාජ්ය සේවය ද වගකිව යුතු බවයි. එම ක්ෂේත්ර ද්විත්වයම වගකීම් සහගත ලෙස ප්රතිසංස්කරණය කළහොත් ශ්රී ලංකාව ජාත්යන්තර ප්රමිතීන් කරා ඉතා ඉක්මනින් ඔසවා තැබිය හැකි බව ඔහු වැඩිදුරටත් සඳහන් කළේය.
කුණ්ඩසාලේ පල්ලේකැලේ පිහිටි මධ්යම පළාත් සභා කාර්යාල පද්ධතිය ඉතාමත් පිළිවෙළට හා පිරිසිදුව පවත්වාගෙන යාම පිළිබඳව සිය ප්රසාදය පළ කළ අමාත්යවරයා, එය අනෙකුත් රාජ්ය ආයතනවලට ද ආදර්ශයක් බව පැවසීය. මධ්යම පළාත් ආණ්ඩුකාර මහාචාර්ය එස්. බී. එස්. අබේකෝන් මහතා ඇතුළු ඉහළ පෙළේ නිලධාරීන් පිරිසක් ද මෙම අවස්ථාවට එක්ව සිටි අතර, එහිදී රාජ්ය සේවයේ කාර්යක්ෂමතාව ඉහළ නැංවීම සඳහා ගත යුතු ඉදිරි පියවර පිළිබඳව ද දීර්ඝ වශයෙන් සාකච්ඡා කෙරිණි. මහජනතාවට වඩාත් සමීප සහ විනිවිදභාවයකින් යුතු රාජ්ය සේවයක් නිර්මාණය කිරීම වත්මන් රජයේ ප්රමුඛතම අරමුණ බව අමාත්යවරයා එහිදී යළිත් සිහිපත් කළේය.
