ජපානයේ ඉචිකාවා සිටි (Ichikawa City Zoo) සත්වෝද්යානයේ වෙසෙන, ලොව පුරා අතිශය ජනප්රියත්වයට පත් ‘පුන්ච්’ නැමැති මැකේක් (Macaque) වර්ගයේ වඳුරු පැටවා අද (මාර්තු 27) සිය අටවන මාසය සපුරන විට වඩාත් ස්වාධීන ලක්ෂණ පෙන්නුම් කරමින් සිටී. 2025 ජූලි 26 වැනිදා උපත ලැබූ මෙම පැටවා උපතින් පසු මව විසින් අතහැර දමා තිබූ අතර, සත්වෝද්යාන පාලකයන් විසින් උණුසුම සහ ආරක්ෂාව සඳහා ලබා දුන් සෙල්ලම් බෝනික්කා (Plush toy) සමඟ සිටින දර්ශන මීට පෙර සමාජ මාධ්ය ඔස්සේ අතිශය ජනප්රිය විය.
එම සෙල්ලම් බෝනික්කා සෑම තැනකම ඇදගෙන යන ආකාරය දැක්වෙන වීඩියෝ නිසා “පුන්ච්” ජාත්යන්තර අවධානය දිනාගත් අතර, #HangInTherePunch යන හැෂ්ටැග් (Hashtag) එක යටතේ ලොව පුරා රසිකයන් ඔහුට සුබ පතා තිබුණි. කෙසේ වෙතත්, දැන් ඔහු එම සෙල්ලම් බෝනික්කා අතහැර තමාගේ රෑන සමඟ සාර්ථකව හැඩගැසෙමින් සිටින බව සත්වෝද්යාන බලධාරීන් පවසති. මෙම කුඩා පැටවා දැකබලා ගැනීම සඳහා ලෝකයේ විවිධ ප්රදේශවලින් සංචාරකයන් තවමත් ජපානය වෙත පැමිණෙමින් සිටිති.
