ඉරානය කේන්ද්ර කරගනිමින් වර්ධනය වී ඇති යුද ගැටුම් සමනය කිරීම සඳහා මැදිහත් වීමට රුසියාව සූදානම් බව රුසියානු ජනාධිපති ව්ලැඩිමීර් පුටින් මහතා ප්රකාශ කර තිබේ. කලාපීය නායකයින් සමඟ මේ පිළිබඳව අඛණ්ඩව සාකච්ඡා පවත්වන බවත්, සාමකාමී විසඳුමක් කරා ගමන් කිරීමට රුසියාවේ උපරිම දායකත්වය ලබා දෙන බවත් ඔහු අවධාරණය කළේය.
රුසියාව වැඩිදුරටත් පෙන්වා දෙන්නේ, පවතින යුදමය වාතාවරණය හැකි ඉක්මනින් සාමකාමී මාවතකට යොමු කිරීම සහතික කිරීම සඳහා සිය සේවය අවශ්ය ඕනෑම අවස්ථාවක ලබා දීමට සූදානම් බවයි. ගෝලීය බලවතුන් මැදිහත් වී මැදපෙරදිග අර්බුදය සමනය කිරීමට ගන්නා උත්සාහයන් අතර රුසියාවේ මෙම ස්ථාවරය සුවිශේෂී රාජ්යතාන්ත්රික පියවරක් ලෙස සැලකේ.
දැනටමත් ඇමරිකාව, ඉශ්රායලය සහ ඉරානය අතර උග්ර වී ඇති ගැටුම්කාරී තත්ත්වය හමුවේ රුසියාව වැනි ප්රබල රාජ්යයක් මෙලෙස සාම සාකච්ඡා සඳහා ඉදිරිපත් වීම ජාත්යන්තර ප්රජාවගේ අවධානයට ලක්ව ඇත. කලාපීය ස්ථාවරත්වය රැක ගැනීම සඳහා රුසියාව සෙසු රටවල් සමඟ එක්ව කටයුතු කිරීමට අපේක්ෂා කරන බව ද මෙහිදී ප්රකාශ කෙරිණි.
