මධ්යම පෙරදිග කලාපයේ උග්ර වෙමින් පවතින යුදමය තත්ත්වය හමුවේ ලෝක වෙළඳපොළේ බොරතෙල් බැරලයක මිල අමෙරිකානු ඩොලර් 150 දක්වා ඉහළ යා හැකි බව කටාර් බලශක්ති අමාත්ය සාද් අල්-කාබි (Saad al-Kaabi) මහතා අනතුරු අඟවයි. මෙම තත්ත්වය මගින් බරපතල බලශක්ති අර්බුදයක් නිර්මාණය විය හැකි බව අද (06) සවස ඔහු ප්රකාශ කළේය.
යුද ගැටුම් කඩිනමින් අවසන් වුවද, බලශක්ති සැපයුම් ජාලයට සිදුවන හානිය යථා තත්ත්වයට පත්වීමට දීර්ඝ කාලයක් ගතවනු ඇත. ඊශ්රායලය සහ අමෙරිකාව ඉරානයට එල්ල කළ ප්රහාරවලට ප්රතිචාර ලෙස, ඉරානය විසින් කටාර් රාජ්යය ඇතුළු මැදපෙරදිග කලාපයේ පිහිටි අමෙරිකානු හමුදා කඳවුරු ඉලක්ක කර ගනිමින් ප්රහාර එල්ල කිරීම මෙම අවදානම තවත් දැඩි කර තිබේ.
විශේෂයෙන්ම, කටාර්හි පිහිටි අමෙරිකාවේ විශාලතම හමුදා මධ්යස්ථානය වන අල් උදෙයිද් (Al Udeid) ගුවන් හමුදා කඳවුර වෙත අද දිනයේදී ද ඉරානය විසින් ඩ්රෝන ප්රහාර මාලාවක් එල්ල කර ඇති බව වාර්තා වේ. කෙසේ වෙතත්, එම ප්රහාර සාර්ථකව මැඩපැවැත්වූ බව කටාර් බලධාරීන් තහවුරු කර ඇත. කලාපීය බලශක්ති යටිතල පහසුකම් මෙලෙස යුද ඉලක්ක බවට පත්වීම ලෝක ආර්ථිකයට දැඩි තර්ජනයක් වී තිබේ.
