කටාර් රාජ්යයට අයත් මුහුදු සීමාවේදී සිදු වූ හෙලිකොප්ටර් යානා අනතුරකින් එහි ගමන් ගත් පුද්ගලයන් 7 දෙනාගෙන් 6 දෙනෙකු ජීවිතක්ෂයට පත්ව ඇති බව එරට අභ්යන්තර කටයුතු අමාත්යාංශය අද (22) තහවුරු කළේය. සෝදිසි මෙහෙයුම් මගින් සිරුරු 6ක් සොයාගෙන ඇති අතර, අතුරුදන් වූ අනෙක් පුද්ගලයා සෙවීම සඳහා විශේෂ කණ්ඩායම් තවදුරටත් දැඩි මෙහෙයුමක නිරතව සිටිති. කටාර් ආරක්ෂක අමාත්යාංශය පවසන පරිදි, මෙම අනතුර සිදුව ඇත්තේ සාමාන්ය රාජකාරි ගමනක් අතරතුර යානයේ ඇති වූ “තාක්ෂණික දෝෂයක්” හේතුවෙනි.
මෙම අනතුර කිසියම් සතුරු ප්රහාරයක ප්රතිඵලයක් බවට මෙතෙක් සාධක හමු වී නොමැති වුවද, කලාපය තුළ පවතින දැඩි යුධමය නොසන්සුන්කාරී වාතාවරණය හමුවේ මෙම සිදුවීම කෙරෙහි ජාත්යන්තර අවධානය යොමු වී තිබේ. විශේෂයෙන්ම පෙබරවාරි 28 වැනිදා ඇමරිකානු සහ ඉශ්රායල හමුදා එක්ව ඉරානයට ප්රහාර එල්ල කිරීම ආරම්භ කළ දා සිට, ලොව විශාලතම ස්වභාවික වායු (LNG) නිෂ්පාදන මධ්යස්ථානයක් වන කටාර්හි ‘රාස් ලැෆාන්’ (Ras Laffan) කර්මාන්ත පුරය ඉලක්ක කර ගනිමින් ඉරානය කිහිප වරක්ම මිසයිල සහ ඩ්රෝන ප්රහාර එල්ල කර ඇත. මෙම ප්රහාර හේතුවෙන් කටාර්හි ගෑස් අපනයන ධාරිතාව 17%කින් පමණ පහත වැටී ඇති අතර, එය ගෝලීය බලශක්ති වෙළෙඳපොළට ද දැඩි බලපෑමක් එල්ල කර තිබේ.
