කටාර් රාජ්යයට අයත් හමුදා හෙලිකොප්ටර් යානයක් එරට මුහුදු සීමාවට කඩා වැටී ඇති බව විදෙස් මාධ්ය වාර්තා කරයි. කටාර් ආරක්ෂක අමාත්යාංශය උපුටා දක්වමින් වාර්තා වන්නේ, මෙම අනතුර තාක්ෂණික දෝෂයක් හේතුවෙන් සිදුව ඇති බවයි.
අනතුර සිදුවන අවස්ථාවේ යානයේ සිටි පුද්ගලයන් සංඛ්යාව මෙතෙක් නිශ්චිතව අනාවරණය වී නොමැති අතර, ඔවුන් සොයා මුහුදු ප්රදේශයේ පුළුල් සෝදිසි මෙහෙයුම් (Search and Rescue) මේ වන විටත් ආරම්භ කර තිබේ. කලාපීය ආරක්ෂක තත්ත්වය දැඩි අවුල් සහගත මට්ටමක පවතින පසුබිමක මෙම අනතුර සිදුවුවද, මෙය හුදෙක් තාක්ෂණික දෝෂයක් මත සිදුවූවක් බව ආරක්ෂක අංශ තහවුරු කර ඇත.
