ආබාධිත ප්රජාව සහ කුඩා පරිමාණ ස්වයං රැකියාවල නිරතවන්නන් සඳහා හඳුන්වා දී ඇති QR ක්රමවේදය යටතේ ඉන්ධන නිකුත් කිරීමේ වැඩපිළිවෙළ මේ වන විට ඉතා සාර්ථකව ක්රියාත්මක වන බව අමාත්ය උපාලි පන්නිලගේ මහතා අද (31) ප්රකාශ කළේය. විවිධ සමාජ ස්ථරයන් සඳහා සුබසාධනය සැලසීමේ අරමුණින් පිහිටුවා ඇති විශේෂ කමිටුව රැස්වීමෙන් අනතුරුව ඔහු මෙම අදහස් පළ කරන ලදී.
විශේෂ අවශ්යතා සහිත පුද්ගලයින්ට සහ දෛනික ජීවනෝපාය සඳහා කුඩා වාහන හෝ යන්ත්ර සූත්ර භාවිතා කරන ස්වයං රැකියා නියුක්තිකයින්ට බාධාවකින් තොරව ඉන්ධන ලබාගැනීම තහවුරු කිරීම රජයේ අරමුණයි. මෙම ක්රමවේදය හරහා ඉන්ධන බෙදාහැරීමේ විනිවිදභාවයක් සහ සාධාරණත්වයක් පවතින බවත්, ඉදිරියේදී මෙම පහසුකම් තවදුරටත් පුළුල් කිරීමට අපේක්ෂා කරන බවත් අමාත්යවරයා මෙහිදී අවධාරණය කළේය.
මෙම පියවර මඟින් ආර්ථික දුෂ්කරතා මධ්යයේ වුවද වඩාත් අවදානමට ලක්විය හැකි කණ්ඩායම්වල ජීවනෝපාය ආරක්ෂා කිරීමට හැකි වී ඇති බව අමාත්යවරයා වැඩිදුරටත් සඳහන් කළේය. මෙම ක්රමවේදයෙහි පවතින ප්රායෝගික ගැටලු නිරීක්ෂණය කරමින් ඒවා නිරන්තරයෙන් යාවත්කාලීන කරන බව ද රජය පවසයි.
