ඉරානයෙන් ඉන්ධන නොලැබීම ශ්රී ලංකාවට සෘජු බලපෑමක් ඇති නොකරන බව හිටපු ජනාධිපති රනිල් වික්රමසිංහ මහතා ප්රකාශ කර තිබේ. කොළඹ මල් පාරේ පිහිටි සිය දේශපාලන කාර්යාලයේදී සමාජ මාධ්ය ක්රියාකාරීන් සමඟ පැවති හමුවකදී ඔහු මේ බව සඳහන් කළේය.
ශ්රී ලංකාව සිය ඉන්ධන අවශ්යතාවය සපුරා ගන්නේ ඉරානයට වඩා ඉන්දියාව සහ සිංගප්පූරුව වැනි සෙසු රටවල් මගින් බැවින් ඉරානයේ තෙල් නොලැබීමෙන් හිඟයක් ඇති නොවන බව ඔහු පෙන්වා දෙයි. කෙසේ වෙතත්, ඉරානය විසින් හෝමුස් සමුද්ර සන්ධිය (Strait of Hormuz) හරහා ගමන් කරන තෙල් නැව්වලට බෝම්බ දමා එම මාර්ගය අවහිර කළහොත් පමණක් බරපතල ගැටලුවක් ඇති විය හැකි බව ඔහු අනතුරු අඟවයි. දැනට එවැනි අවහිර කිරීමක් සිදු වී නොමැති බැවින් රට තුළ අනියත බියක් ඇති කර ගත යුතු නැති බව හිටපු ජනාධිපතිවරයා වැඩිදුරටත් කියා සිටියේය.
