අමෙරිකාවේ ඔහියෝ (Ohio) නුවර පැවැති 38 වැනි “ආර්නෝල්ඩ් ක්ලැසික් ස්පෝට්ස්” (Arnold Classic Sports) ජාත්යන්තර තරගාවලිය නියෝජනය කරමින් රන් පදක්කම් දෙකක් සහ කීර්තිමත් “ප්රෝ” (PRO) බඳ පටිය දිනාගත් රන්සිළු ජයතිලක අද (18) අලුයම දිවයිනට පැමිණියේය. කටුනායක ගුවන් තොටුපොළේදී ඔහුට උණුසුම් පිළිගැනීමක් හිමි විය.
ලෝකයේ රටවල් 10ක ප්රබල ක්රීඩකයින් සහභාගී වූ මෙම තරගාවලිය සඳහා සමස්ත ආසියානු මහාද්වීපයම නියෝජනය කරමින් සුදුසුකම් ලබා සිටි එකම ක්රීඩකයා රන්සිළු ජයතිලක වීම විශේෂත්වයකි
“ඩෙඩ් ලිෆ්ට්” (Deadlift) ඉසව්වෙන් කිලෝග්රෑම් 320ක බරක් ඔසවමින් අමෙරිකානු තරගකරුවා පරාජය කර පළමු රන් පදක්කම දිනා ගැනීමට ඔහු සමත් විය
සවි එසවීමේ (Powerlifting) සමස්ත ඉසව්වෙන් කිලෝග්රෑම් 720ක බරක් ඔසවමින් දෙවන රන් පදක්කම ද සිය මව්බිම වෙනුවෙන් දිනා දීමට ඔහු පියවර ගත්තේය
මෙම විශිෂ්ට දක්ෂතාවය හේතුවෙන් ජාත්යන්තර සවි එසවීමේ ක්ෂේත්රයේ ඉහළම ඇගයීමක් වන “ප්රෝ” (PRO) බඳ පටිය දිනා ගැනීමට ද රන්සිළුට අවස්ථාව හිමි විය
පසුගිය මාර්තු 06 වනදා සිට 10 වනදා දක්වා පැවැති මෙම තරගාවලිය ලොව පුරා සවි එසවීමේ ක්රීඩකයින්ගේ දැඩි අවධානය දිනාගත් උළෙලකි. බලශක්ති සහ ආර්ථික අර්බුද මධ්යයේ වුවද, ජාත්යන්තර ක්රීඩා පිටියේ ශ්රී ලංකා නාමය බබළවන්නට ඔහු සමත් වීම කාගේත් ඇගයීමට ලක්ව තිබේ.
