මැදපෙරදිග කලාපයේ පවතින යුදමය වාතාවරණය හේතුවෙන් සති කිහිපයක් පුරා පාළුවට ගොස් තිබූ ඇල්ල සංචාරක පුරවරය, ඊයේ (මාර්තු 24) සිට යළිත් විදේශීය සංචාරකයින්ගෙන් පිරී ගොස් ඇති බව වාර්තා වේ. රාවණා ඇල්ලේ මනස්කාන්ත දසුන නැරඹීමට සහ එහි අවට සිරි නැරඹීමට මෙරට සහ විදේශීය සංචාරකයින් සිය ගණනින් පැමිණ සිටි බව ප්රාදේශීය වාර්තාකරුවන් සඳහන් කරයි. සංචාරක කර්මාන්තය මත සිය ජීවනෝපාය පවත්වාගෙන යන ප්රදේශවාසීන් මෙම සංචාරක පැමිණීම ඉහළ යාම පිළිබඳව සිය සතුට පළ කර සිටිති.
කෙසේ වෙතත්, බදුල්ල දිස්ත්රික්කයේ පවතින දැඩි වියළි කාලගුණය හේතුවෙන් රාවණා ඇල්ලේ ජල මට්ටම සැලකිය යුතු ලෙස පහළ ගොස් ඇති බව ද නිරීක්ෂණය වී තිබේ. ඉන්ධන මිල ඉහළ යාම සහ ගෝලීය අර්බුද හමුවේ වුවද, සංචාරකයින් මෙලෙස ඇල්ල ප්රදේශයට පැමිණීම මෙරට සංචාරක ක්ෂේත්රයේ ප්රගතිය පිළිබඳව සුබදායී ලකුණක් ලෙස විචාරකයෝ පෙන්වා දෙති.
