විෂ මත්ද්රව්ය තුරන් කිරීම සඳහා ජනාධිපතිවරයා ප්රමුඛ රජයේ වැඩපිළිවෙලට ආගමික නායකයින්ගේ ප්රසාදය
විෂ මත්ද්රව්ය මෙරටින් සහමුලින්ම තුරන් කිරීම සඳහා ජනාධිපති අනුර කුමාර දිසානායක මහතා ප්රමුඛ රජය ක්රියාත්මක කරන දැඩි වැඩපිළිවෙලට සියලුම ආගමික නායකයින්ගේ සහ මහජනතාවගේ පුළුල් සහයෝගය හිමිව තිබේ. “රටම එකට” ජාතික මෙහෙයුමේ මධ්යම පළාත් වැඩසටහන නුවරඑළිය දිස්ත්රික්කය කේන්ද්ර කරගනිමින් ජනාධිපතිවරයාගේ ප්රධානත්වයෙන් අද (12) උත්කර්ෂවත් අයුරින් පැවැත්වුණු අතර එහිදී මත්ද්රව්ය උවදුර මැඩලීමට සියලු පාර්ශ්ව එක්ව කටයුතු කිරීමේ වැදගත්කම අවධාරණය කෙරිණි.
නුවරඑළිය ජනතාවගේ උණුසුම් පිළිගැනීම මධ්යයේ පැවැත්වුණු මෙම වැඩසටහනේදී, ජනතා ආරක්ෂාව වෙනුවෙන් කැපී පෙනෙන මෙහෙවරක් ඉටුකළ නිලධාරීන් ඇගයීමට ලක්කළ අතර, මත්ද්රව්ය විරෝධී ජාතික ප්රතිඥාව ලබාදීම ද මෙහිදී සිදුකෙරිණි. මේ අතර, නානුඔය රැදැල්ල මාර්ගයේ ගමන් කරමින් සිටි ජනාධිපතිවරයා හදිසියේම වතු කම්කරුවන් පිරිසක් හමුවී ඔවුන්ගේ ගැටලු සාකච්ඡා කළ අතර, තමන් වෙත පැමිණ මෙසේ සුහදව කතාබහ කළ පළමු රාජ්ය නායකයා ජනාධිපති අනුර කුමාර දිසානායක මහතා බව වතු සේවකයෝ ඉතා හැඟීම්බරව ප්රකාශ කළහ. විශේෂයෙන්ම තමන්ගේ වැටුප් වැඩි කිරීම සම්බන්ධයෙන් ඔවුන් මෙහිදී ජනාධිපතිවරයාට සිය ස්තූතිය පුද කර සිටියහ.
