වසර ගණනාවක් තිස්සේ ඇමරිකාවේ ලෝන්ග් අයිලන්ඩ් ප්රදේශය භීතියට පත් කළ ගිල්ගෝ බීච් (Gilgo Beach) මිනීමැරුම් මාලාවේ සැකකරු වන රෙක්ස් හියර්මන් (Rex Heuermann), කාන්තාවන් අට දෙනෙකු ඝාතනය කළ බවට එල්ල වූ චෝදනාවලට වරදකරු බව මේ සතියේදී අධිකරණය හමුවේ පිළිගත්තේය. 62 හැවිරිදි ගෘහ නිර්මාණ ශිල්පියෙකු වන ඔහු, පොලිස් පවුල් බහුලව වෙසෙන මැසපෙක්වා නගරයේ වසර ගණනාවක් රහසිගතව ජීවත් වී තිබේ.
2010 වසරේ සිට මළසිරුරු කොටස් හමුවීමත් සමඟ මෙම ඝාතකයා පොලිස් නිලධාරියෙකු විය හැකි බවට විවිධ සැක සංකා මතු වූ නමුත්, හියර්මන්ගේ අත්අඩංගුවට ගැනීමත් සමඟ එම මතයන් නිවැරදි නොවන බව තහවුරු විය. හියර්මන් 2023 වසරේදී අත්අඩංගුවට පත් වූයේ ඔහු අනුභව කර විසි කළ පීසා කැබැල්ලකින් ලබාගත් DNA සාම්පලයක් මගිනි. ඔහු දිනපතා දුම්රියෙන් රැකියාවට යන අතරතුර පොලිස් නිලධාරීන් නිතර ගැවසෙන ස්ථාන පසුකර ගියද, ඔහු මෙතරම් බිහිසුණු මිනීමරුවෙකු බව කිසිවෙකුටත් සැක සිතුණේ නැත.
