‘The Sun’ පුවත්පතේ කර්තෘ රිෂිනි වීරරත්න මහත්මිය, කොළඹ සිනමන් ලයිෆ් (Cinnamon Life) හිදී පැවැත්වුණු 2026 ‘Platinum Excellence Awards’ සම්මාන උළෙලේදී විශේෂ ඇගයීමට ලක්විය. මාධ්ය බලපෑම, කතන්දර කීමේ කලාව සහ කාන්තා සවිබල ගැන්වීම යන ක්ෂේත්රයන්හි ඇය දැක්වූ විශිෂ්ට දායකත්වය වෙනුවෙන් මෙම ‘Platinum Excellence’ සම්මානය පිරිනමන ලදී.
රිෂිනි වීරරත්න මහත්මිය මේ වන විට විදේශගතව සිටින බැවින්, ඇය වෙනුවෙන් එම සම්මානය භාරගනු ලැබුවේ ඇයගේ මව වන ශාරිකා වීරරත්න මහත්මිය විසිනි. ශ්රී ලාංකීය මාධ්ය ක්ෂේත්රය තුළ කාන්තා නියෝජනය සහ සමාජ මෙහෙවර අගය කරමින් මෙම සම්මානය පිරිනමා තිබේ.
