ඒ. බාවර් සහ සමාගමේ (A. Baur & Co.) කළමනාකාර අධ්යක්ෂ සහ ප්රධාන විධායක නිලධාරී රොල්ෆ් බ්ලේසර් මහතා, Global CEO Forum මගින් පිරිනමනු ලබන “2025 වසරේ ප්රධාන විධායක නිලධාරියා” (CEO of the Year 2025) යන ගෞරවනීය සම්මානයෙන් පිදුම් ලබා තිබේ. ස්වාධීන ඇගයීම් මණ්ඩලයක දැඩි නිරීක්ෂණයෙන් අනතුරුව පිරිනමන ලද මෙම සම්මානය, ශ්රී ලංකාවේ ආර්ථික වර්ධනය වෙනුවෙන් ඔහු දක්වන ලද සුවිශේෂී උපායමාර්ගික දැක්ම සහ නායකත්වය අගය කිරීමක් ලෙස සැලකේ. 2026 පෙබරවාරි 26 වන දින කොළඹදී පැවැත්වූ උත්සවයකදී මෙම උපහාරය නිල වශයෙන් ප්රකාශයට පත් කරන ලදී.
2018 වසරේදී බාවර් සමාගමේ නායකත්වය භාරගත් රොල්ෆ් බ්ලේසර් මහතා යටතේ, එම සමාගමේ සෞඛ්ය සේවා අංශය වසර හතරක් තුළ දෙගුණයකින් වර්ධනය වී ඇති අතර ලොව ප්රමුඛතම ඖෂධ සමාගම් සමඟ ශක්තිමත් සබඳතා ඇති කර ගැනීමට ද සමත්ව තිබේ. කෘෂිකර්ම ක්ෂේත්රය තුළ තිරසාර විසඳුම් හඳුන්වා දීමට ඔහු ගත් පියවර අතිශය වැදගත් වේ. විශේෂයෙන්ම ‘සොරිස්’ හි FiBL සහ HAFL වැනි ආයතන සමඟ එක්ව ශ්රී ලංකාවේ කෘෂිකාර්මික පරිවර්තනය සඳහා ‘විශිෂ්ටත්වයේ මධ්යස්ථානයක්’ (Centre of Excellence) පිහිටුවීමටත්, පරිසර හිතකාමී ‘Super Urea’ වැනි නවෝත්පාදන හඳුන්වා දීමටත් ඔහු පෙරමුණ ගෙන කටයුතු කළේය.
බ්ලේසර් මහතාගේ නායකත්වය යටතේ බාවර් සමාගම ඩිජිටල් පරිවර්තනය අතින් ද විශාල ජයග්රහණ අත්කර ගෙන තිබේ. ශ්රී ලංකාවේ ප්රථම වරට SAP S/4 HANA ක්ලවුඩ් තාක්ෂණය ක්රියාත්මක කිරීම සහ මයික්රොසොෆ්ට් ඇෂුවර් (Azure) පද්ධතිය හරහා සමාගමේ තොරතුරු තාක්ෂණ යටිතල පහසුකම් නවීකරණය කිරීම මෙහිදී කැපී පෙනේ. මීට අමතරව, ස්විට්සර්ලන්තයේ École hôtelière de Lausanne සමඟ එක්ව Swiss Hotel Management Academy (SHMA) හරහා මෙරට සංචාරක ක්ෂේත්රයේ වෘත්තිකයන්ට ජාත්යන්තර මට්ටමේ පුහුණුවක් ලබා දීමට ද ඔහු කටයුතු කළේය.
දශක තුනක ජාත්යන්තර වෘත්තීය අත්දැකීම් සහිත රොල්ෆ් බ්ලේසර් මහතා ලංකා වාණිජ මණ්ඩලය, ලංකා සේවා යෝජකයන්ගේ සම්මේලනය සහ ශ්රී ලංකා අධ්යක්ෂවරුන්ගේ ආයතනය (SLID) වැනි ප්රමුඛ පෙළේ ව්යාපාරික ආයතන රැසක ක්රියාකාරී සාමාජිකයෙකු ලෙස ද කටයුතු කරයි. 1897 වසරේදී ඇල්ෆ්රඩ් බාවර් මහතා විසින් ආරම්භ කරන ලද මෙම සමාගම, වසර 125කට අධික කාලයක් ශ්රී ලංකාවේ විශ්වාසවන්ත සන්නාමයක් ලෙස පවතින්නේ සිය 800කට අධික සේවක මණ්ඩලය පවත්වාගෙන යන උසස් ප්රමිතීන් නිසා බව බ්ලේසර් මහතා මෙහිදී අවධාරණය කළේය.
