සිව් වසරක් පුරා ඇදී යන රුසියානු-යුක්රේන යුද්ධයේ ඔර්තඩොක්ස් පාස්කු උත්සවය වෙනුවෙන් ප්රකාශයට පත් කළ කෙටි සටන් විරාමය උල්ලංඝනය කළ බවට දෙපාර්ශවයම එකිනෙකාට චෝදනා එල්ල කර ගනිමින් සිටිති. පැය 32ක කාලයක් සඳහා ක්රියාත්මක කිරීමට නියමිතව තිබූ මෙම සටන් විරාමය ආරම්භ වී පැය කිහිපයක් ගත වීමටත් පෙර මෙලෙස ප්රහාර වාර්තා වී තිබේ.
රුසියානු දේශසීමා ප්රදේශවල ආණ්ඩුකාරවරුන් සඳහන් කරන්නේ යුක්රේන ඩ්රෝන ප්රහාර හේතුවෙන් කුර්ස්ක් (Kursk) සහ බෙල්ගොරොඩ් (Belgorod) ප්රදේශවල පුද්ගලයින් පස් දෙනෙකු තුවාල ලබා ඇති බවයි. මේ අතර, යුක්රේන හමුදා මූලස්ථානය චෝදනා කරන්නේ රුසියානු හමුදාවන් ෂෙල් වෙඩි ප්රහාර සහ ඩ්රෝන ප්රහාර ඇතුළුව 469 වතාවක් සටන් විරාම කොන්දේසි උල්ලංඝනය කර ඇති බවයි.
මෙම සටන් විරාමය රුසියානු ජනාධිපති ව්ලැඩිමීර් පුටින් විසින් ප්රකාශයට පත් කරන ලද අතර, යුක්රේන ජනාධිපති වොලොඩිමියර් සෙලෙන්ස්කි ද එයට එකඟතාව පළ කර තිබුණි. මැදපෙරදිග පවතින යුදමය වාතාවරණය සහ ඇමරිකා-ඉරාන සාම සාකච්ඡා හමුවේ රුසියානු-යුක්රේන අර්බුදය විසඳීම සඳහා වන ජාත්යන්තර මැදිහත්වීම් මන්දගාමී වී ඇති පසුබිමක මෙම ගැටුම් වාර්තා වීම විශේෂත්වයකි.
