ශ්රී ලංකාව තුළ රාජ්ය මට්ටමින් ක්රියාත්මක වන කිසිදු රුසියානු ආයෝජනයක් නොමැති බව ශ්රී ලංකාවේ රුසියානු තානාපති ලෙවාන් ජගර්යාන් මහතා ඊයේ (19) කොළඹදී පැවැසීය. මාධ්යවේදියෙකු නැගූ ප්රශ්නයකට පිළිතුරු දෙමින් ඔහු සඳහන් කළේ ආයෝජනය සඳහා රට තුළ නිසි ව්යාපෘති හෝ අවකාශයක් නොමැති වීම මීට ප්රධාන හේතුව වී ඇති බවයි.
තානාපතිවරයා පෙන්වා දුන්නේ පෞද්ගලික අංශයේ ආයෝජන තිබිය හැකි වුවත්, රාජ්ය මට්ටමේ කිසිදු ව්යාපෘතියක් මේ වන විට ක්රියාත්මක නොවන බවයි. රුසියාව ආයෝජනය කිරීමට සූදානම් වුවද, ඒ සඳහා සුදුසු ව්යාපෘති ඉදිරිපත් නොවන බවත්, පවතින විවිධ පරිපාලනමය හා අනෙකුත් ගැටලු හේතුවෙන් ශ්රී ලංකාව තුළ ආයෝජනය කිරීම ලෙහෙසි කටයුත්තක් නොවන බවත් ඔහු වැඩිදුරටත් කියා සිටියේය.
ශ්රී ලංකාවේ පවතින ආයෝජන වටපිටාව පිළිබඳව තවත් තානාපතිවරුන් රැසක් කනස්සල්ලෙන් පසුවන බව රුසියානු තානාපතිවරයා මෙහිදී අනාවරණය කළේය. “ඇත්ත කිව්වොත් සමහර තානාපතිවරුන් ශ්රී ලංකාවේ ආයෝජන වටපිටාව ගැන කනස්සල්ලෙන් ඉන්නේ. මෙහේ තියෙන යම් යම් ගැටලු නිසා ආයෝජනය කිරීම ලෙහෙසි නැහැ,” යනුවෙන් ඔහු අවධාරණය කළේය. රටේ පවතින ව්යාපෘති ක්රියාවට නැංවීමේ ප්රමාදය සහ අවිනිශ්චිතතාවය විදේශීය ආයෝජන ගෙන්වා ගැනීමට බාධාවක් වී ඇති බව ඔහුගේ මෙම ප්රකාශයෙන් ගම්ය වේ.
