රුසියානු තානාපති එල්. ජගර්යන් (L. Dzhagaryan) මහතා සහ ශ්රී ලංකා විදේශ කටයුතු අමාත්යාංශයේ ජ්යෙෂ්ඨ නිලධාරීන් අතර බලශක්ති සැපයුම් සම්බන්ධයෙන් පැවැති සාකච්ඡා පිළිබඳව පළ වූ මාධ්ය වාර්තා සම්බන්ධයෙන් කොළඹ පිහිටි රුසියානු තානාපති කාර්යාලය අද (18) විශේෂ නිවේදනයක් නිකුත් කර තිබේ.
බලශක්ති සැපයුම් පිළිබඳව මූලික සාකච්ඡා පැවැත්වුණද, එම හමුවේදී කිසිදු මූල්ය හෝ ප්රවාහන (Logistical) කරුණු පිළිබඳව සාකච්ඡා නොවූ බව තානාපති කාර්යාලය අවධාරණය කරයි
බලශක්ති සැපයුම් සම්බන්ධ ගැටලු නිරාකරණය කර ගැනීම සඳහා අදාළ බලධාරීන් සමඟ අඛණ්ඩව කටයුතු කරන බව රුසියානු තානාපති කාර්යාලය වැඩිදුරටත් සඳහන් කළේය
මැදපෙරදිග යුදමය තත්ත්වය හමුවේ ලෝක තෙල් මිල ඉහළ යමින් පවතින පසුබිමක, මෙරට බලශක්ති සුරක්ෂිතතාව වෙනුවෙන් රුසියාව සමඟ පවත්වන මෙම රාජ්ය තාන්ත්රික සබඳතා ඉතා තීරණාත්මක වනු ඇතැයි ආර්ථික විචාරකයෝ පවසති.
අද දින පස්වරුවේ සිට ක්රියාත්මක වන නව ඉන්ධන QR ලියාපදිංචිය සහ හෙට සිට ක්රියාත්මක වන වාහන අංක තහඩු ක්රමය මඟින් මෙරට පවතින ඉන්ධන පෝලිම් පාලනය කිරීමට රජය අපේක්ෂා කරන අතර, රුසියාව සමඟ පවත්වන මෙම සාකච්ඡා සාර්ථක වීම දිගුකාලීන සහනයක් වනු ඇත.
