නව මහාධිකරණ විනිසුරුවරයෙකු ලෙස එස්. සතීස්තරන් මහතා පත් කර තිබේ. ඊට අදාළ පත්වීම් ලිපිය ජනාධිපති අනුර කුමාර දිසානායක මහතා විසින් ඊයේ (මාර්තු 13) පෙරවරුවේ කොළඹ පිහිටි ජනාධිපති කාර්යාලයේදී ඒ මහතා වෙත නිල වශයෙන් භාර දෙන ලදී.
අධිකරණ සේවයේ විශේෂ ශ්රේණියේ නිලධාරියකු වන එස්. සතීස්තරන් මහතා, මෙම පත්වීමට පෙර චාවක්කච්චේරී දිසා විනිසුරුවරයා ලෙස සේවය කරමින් සිටියේය. අධිකරණ ක්ෂේත්රයේ වසර ගණනාවක අත්දැකීම් සහිත විනිසුරුවරයෙකු වන සතීස්තරන් මහතාගේ පත්වීම ලංකාවේ අධිකරණ පද්ධතිය ශක්තිමත් කිරීම සඳහා ගනු ලැබූ වැදගත් පියවරක් ලෙස සැලකේ.
මෙම පත්වීමත් සමඟ ශ්රී ලංකාවේ මහාධිකරණ විනිසුරු මඩුල්ල තවදුරටත් පුළුල් වන අතර, නඩු කටයුතු කඩිනම් කිරීම සහ යුක්තිය පසිඳලීමේ ක්රියාවලිය වඩාත් කාර්යක්ෂම කිරීමට මෙම නව පත්වීම් ඉවහල් වනු ඇතැයි අධිකරණ ක්ෂේත්රයේ විද්වත්තු පවසති.
