පන්නල, සඳලංකාව ප්රදේශයේ ප්රමිති තත්ත්ව සහතික (Standardization Labels) ව්යාජ ලෙස මුද්රණය කර මහා පරිමාණයෙන් ටින් මාළු ජාවාරමක නිරත වූ පුද්ගලයෙකුට කුලියාපිටිය මහේස්ත්රාත් අධිකරණය විසින් රුපියල් 60,000ක දඩයක් නියම කර තිබේ. පන්නල, ඉරබඩගම ප්රදේශයේ ‘මූන්ස්ටාර්’ (Moonstar) නමින් සැමන් නිෂ්පාදන ආයතනයක් පවත්වාගෙන ගිය ටෙරන්ස් හේමන්ත නැමැති පුද්ගලයෙකු මෙලෙස වරදකරු වී ඇත.
පාරිභෝගික කටයුතු පිළිබඳ අධිකාරියේ නිලධාරීන් විසින් මෙම වැටලීම සිදුකර ඇත්තේ අදාළ සැමන් තොගය බෙදාහැරීම සඳහා ඇසුරුම් කරමින් සිටි අවස්ථාවේදීය. මෙහි ඇති විශේෂත්වය වන්නේ, නඩු තීන්දුව ප්රකාශයට පත් කිරීමෙන් පසු අදාළ සැමන් තොගය විනාශ කරන ආකාරය නිරීක්ෂණය කිරීම සඳහා කුලියාපිටිය මහේස්ත්රාත් මිහිල් චිරන්තන සතරසිංහ මහතා ද කුලියාපිටිය නාගරික කසළ අංගනය වෙත පෞද්ගලිකවම ගොස් සිටීමයි.
ව්යාජ ලේබල් යොදා ගුණාත්මකභාවයෙන් තොර ආහාර ද්රව්ය වෙළෙඳපොළට නිකුත් කිරීම මඟින් මහජන සෞඛ්යයට සිදුවන දැඩි තර්ජනය සැලකිල්ලට ගෙන අධිකරණය මෙම නියෝගය නිකුත් කර තිබේ. පාරිභෝගිකයන් ලෙස ටින් කළ ආහාර මිලදී ගැනීමේදී නිෂ්පාදන තොරතුරු සහ ප්රමිති සහතික පිළිබඳව දැඩි ලෙස විමසිලිමත් විය යුතු බව බලධාරීන් මෙහිදී අවධාරණය කරයි.
