කුරුලු උණ සහ ඉන්ෆ්ලුවෙන්සා ඇතුළු වසංගත රෝග ව්යාප්ත වීමේ අවදානම සැළකිල්ලට ගනිමින් රටවල් 40කින් කුකුළු මස් සහ බිත්තර ආනයනය කිරීම වහාම ක්රියාත්මක වන පරිදි තහනම් කිරීමට සෞදි අරාබිය පියවර ගෙන තිබේ. මහජන සෞඛ්යාරක්ෂාව සහතික කිරීමේ අරමුණින් එරට ආහාර සහ ඖෂධ අධිකාරිය (SFDA) විසින් මෙම දැඩි තීරණය ගෙන ඇති බව විදෙස් මාධ්ය වාර්තා කරයි. ඉන්දියාව, බංග්ලාදේශය, ජපානය, බ්රිතාන්යය, ජර්මනිය, ඊජිප්තුව සහ දකුණු කොරියාව ඇතුළු ප්රධාන පෙළේ රටවල් රැසක් මෙම පූර්ණ තහනමට ලක්ව ඇති රටවල් අතර වේ.
මීට අමතරව තවත් රටවල් 16ක් සඳහා අර්ධ වශයෙන් ආනයන තහනමක් පැනවීමට සෞදි රජය තීරණය කර ඇත. අමෙරිකාව, ඔස්ට්රේලියාව, ඉතාලිය, ප්රංශය, කැනඩාව සහ මැලේසියාව වැනි රටවල් මෙම අර්ධ තහනමට ලක්වූ රටවල් ලැයිස්තුවට ඇතුළත් වේ. මෙම ගෝලීය ආනයන සීමා කිරීම් හේතුවෙන් ජාත්යන්තර වෙළෙඳපොළේ කුකුළු නිෂ්පාදන මිල ගණන් ඉහළ යාමට ඉඩ ඇති බව ආර්ථික විශ්ලේෂකයෝ පෙන්වා දෙති.
