සෞදි අරාබියේ ප්රධාන ගුවන් හමුදා කඳවුරක් සහ නැගෙනහිර කලාපය ඉලක්ක කරගනිමින් එල්ල වූ බැලස්ටික් මිසයිල හතක් සාර්ථකව විනාශ කිරීමට සෞදි ගුවන් ආරක්ෂක පද්ධති සමත්ව තිබේ. සෞදි ආරක්ෂක අමාත්යාංශය ‘X’ (ට්විටර්) පණිවුඩයක් නිකුත් කරමින් තහවුරු කළේ ප්රින්ස් සුල්තාන් ගුවන් හමුදා කඳවුර (Prince Sultan Air Base) දෙසට එල්ල කරන ලද මිසයිල හයක් හඳුනාගෙන ගුවනේදීම විනාශ කළ බවයි.
මීට අමතරව රටේ තීරණාත්මක බලශක්ති මධ්යස්ථාන පිහිටි නැගෙනහිර කලාපය දෙසට එල්ල කරන ලද තවත් බැලස්ටික් මිසයිලයක් ද මැඩපැවැත්වීමට සෞදි හමුදාවට හැකි වී තිබේ. මැදපෙරදිග කලාපයේ පවතින උග්ර යුදමය වාතාවරණය සහ හෝමුස් සමුද්ර සන්ධිය අවහිර වීමත් සමඟ සෞදි අරාබිය වැනි ප්රධාන තෙල් නිෂ්පාදකයන් ඉලක්ක කර මෙවැනි ප්රහාර එල්ල වීම ගෝලීය බලශක්ති වෙළඳපොළේ දැඩි අවධානයට ලක්ව ඇත. මෙම ප්රහාර එල්ල කළේ කවුරුන්ද යන්න පිළිබඳව සෞදි රජය මෙතෙක් නිල වශයෙන් ප්රකාශ කර නොමැති වුවද, කලාපීය ආතතිය තවදුරටත් ඉහළ යාමට මෙය හේතු විය හැකි බව ආරක්ෂක විශ්ලේෂකයෝ පවසති.
