පොන්නියින් සෙල්වන් 2 (Ponniyin Selvan II) චිත්රපටයේ එන ජනප්රිය ‘වීරා රාජා වීරා’ (Veera Raja Veera) ගීතය සඳහා දාගර් සහෝදරයන්ගේ (Junior Dagar Brothers) දායකත්වය නිල වශයෙන් පිළිගැනීමට සුපිරි සංගීත අධ්යක්ෂ ඒ.ආර්. රහ්මාන් මහතා අද (20) ඉන්දීය ශ්රේෂ්ඨාධිකරණය හමුවේ එකඟතාවය පළ කළේය.
මෙම ගීතය ‘දාගර්වානි’ (Dagarwani) සම්ප්රදායට අයත් ‘ශිව ස්තුති’ (Shiva Stuti) නමැති ශාස්ත්රීය නිර්මාණය ඇසුරින් නිර්මාණය වූවක් බවත්, ඒ සඳහා එහි මුල් නිර්මාණකරුවන් වන නැවතිගිය උස්තාද් නසීර් ෆයියාසුදීන් දාගර් සහ උස්තාද් නසීර් සහිරුදීන් දාගර් යන අයට නිසි ගෞරවය ලබා දී නොමැති බවත් පවසමින් ඔවුන්ගේ අනුප්රාප්තිකයෙකු වන ෆයියාස් වසීෆුදීන් දාගර් විසින් නඩු පවරා තිබුණි.
ඉන්දීය අගවිනිසුරු සූර්ය කාන්ත් මහතා ඇතුළු විනිසුරු මඩුල්ල විසින් කරන ලද කරුණු පැහැදිලි කිරීමකින් පසු, රහ්මාන් පාර්ශවය මෙම ගෞරවය පිරිනැමීමට එකඟ විය. ඒ අනුව ඉදිරි සති පහ ඇතුළත සියලුම OTT වේදිකා සහ සමාජ මාධ්ය ජාලයන්හි එම ගීතයේ ගෞරව නාම (Credits) පහත පරිදි සංශෝධනය කිරීමට නියමිතය:
“Composition inspired by the Dagarwani tradition Dhrupad, first recorded as ‘Shiv Stuti’ by late Ustad Nasir Faiyazuddin Dagar and Ustad Nasir Zahiruddin Dagar, popularly known as Junior Dagar Brothers.”
මීට අමතරව, මෙම නඩුව අවසන් වන තෙක් රුපියල් කෝටි 3ක මුදලක් මහාධිකරණ රෙජිස්ට්රාර් ජනරාල්වරයා භාරයේ තැන්පත් කිරීමට ද නියෝග කර තිබේ. රහ්මාන් වෙනුවෙන් පෙනී සිටි ජ්යෙෂ්ඨ නීතිඥ අභිෂේක් මනු සිංවි මහතා ප්රකාශ කළේ සංගීත ක්ෂේත්රයේ ගෞරවය සහ යහපත උදෙසා මෙම එකඟතාවයට පැමිණි බවයි.
