රජය විසින් ඉන්ධන මිල ඉහළ නැංවීමට ගත් තීරණයත් සමඟ පාසල් සිසු ප්රවාහන ගාස්තු දෙවන වරටත් ඉහළ දැමීමට සිදුවන බව සමස්ත ලංකා අන්තර් පළාත් පාසල් සිසු ප්රවාහන සංගමය නිවේදනය කරයි. අද (22) අම්බලන්ගොඩදී පැවති මාධ්ය හමුවකට එක්වෙමින් එම සංගමයේ සභාපති රුවන් ප්රසාද් මහතා ප්රකාශ කළේ, පවතින දැඩි මෙහෙයුම් පිරිවැය හමුවේ මෙම ගාස්තු සංශෝධනය අනිවාර්ය වී ඇති බවයි.
ඒ අනුව, මීට පෙර සිදුකළ ගාස්තු වැඩිවීමට සමානව මෙවර ද සියයට 10ක (10%) ප්රමාණයකින් ගාස්තු ඉහළ දැමීමට සංගමය තීරණය කර ඇත. කෙසේ වෙතත්, මෙම සංශෝධිත ගාස්තු ලබන අප්රේල් මාසයේ සිට ක්රියාත්මක නොවන අතර, දෙමාපියන්ට සහනයක් ලෙස නව ගාස්තු අය කිරීම මැයි මාසයේ සිට ආරම්භ කරන බව සභාපතිවරයා වැඩිදුරටත් සඳහන් කළේය. ඉන්ධන මිල ශීඝ්රයෙන් ඉහළ යාම හමුවේ සිය සේවාව අඛණ්ඩව පවත්වාගෙන යාමට නම් මෙම පියවර ගත යුතු බව සංගමයේ ස්ථාවරය වී තිබේ.
